1

نجري في الطريق صباح ربي راح عليا الحال

لازم نوصل للكوس قبل ما يقلع و إلا نخرج إكسكلي في ليموديل نتاع اليوم

من بعيد نشوف في عمي سالم لي يسوق الكوس رح يشري القهوة قتلتني السعادة

لحقت نشوف لقيت بلاصتي الله الله قدام التاقة

رحت قعدت و قتلو :صباح الخير

إياد : صباح النور كون زدتي شوي

مرح: علابالي خربتها بصح معليش سامحني هذي المرة

إياد: السماح خليناه عند القاضي

شنف و دار من هيه كالعادة كي نوصلو للكلية نشريلو قهوة يرضا عليا

نسيت معرفتكمش بروحي انا مرح

عمري 22 سنة نقرا ارشيتاكتيغ كيما يقولوها جماعتي

اما جداتي فاطمة ربي يخليهالي تقلي ماصو بالباك لا علينا

انا إنسان حاكمو الهبال و نموت على اياد

لي هو ثاني يموت عليا

المهم هذو دامل الافكار في راسي برك

إياد صديق الطفولة و انا و هو best friends

تقدروا تقولوا نحكيو ليل و نهار

منقدرش على فراقو و الروطتر لي درتو قبيل بسبتو

بايت يشايخ و انا دب باندا نحب نرقد بزاف

....

و كالعادة ديدو قالب وجهو عليا انا بلا ذمة و لا ضمير تكيت عليه و كملت رقادي تربح ساعة و لا اكثر شوي رقاد بسبب ازدحام الطريق و نكملها في الكور لولة باه كي يوصل وقت لاتولي نكون انسان طبيعي مش زومبي

كي لحقنا نوضني وجه الشر

إياد: مرح نوضي لنا وصلنا

مرح: ديدو خليني مزلت نعسانة

اياد: يا تنوضي يا نتبلا في قسامك اليوم

مرح: خلاص نضت

خرجت انا وياه نتابعوا شرينا قهوة كالعادة اما نعرضو و هو يسلك بعدها رحنا نقراو

للاسف مخلانيش نرفد في الكور من جهة عندو الحق

واجبي نقرا كل حرف يخص المادة باه كي نبدا نخدم نخدم بضمير

اليوم لي لاحضتوا على ديدو انو مش نفسو لي هاذ الايام ميحبش يحكي و غير تايه

كملنا على 5 نتاع العشية و كنا مهلوكين من التعب

لي خسروا عليا: عندي هدرة معاك من بعد

و نحاجك تكوني سيريو

روحت للدار و هءا الكلام يدور في راسي زعما يكون رح يعتارفلي

و لا لا

يمكن رح يطلب مني نتزوجوا

و لا لا

ممكن يكون مريض بعيد الشر عليه

بففف لاحلي اللاز هذا  في راسي و خلاني ناكل في بغضي

كيفاه رح نعرف وش يحتاج

روحت للدار كملت كلش بالخف

و ريفيزيت و قعدت نستنا فيه يكوناكتي  باه نفهم وش حكايتو

_

________

هنا يكون البارت خلاص نتمنى يعجبكم و نقوللكم كيف العادة ربي يفرقنا يلا ذنوب يا من عاش

Peace