CHAPTER 22: MAY PROBLEMA BA TAYO?

Habang naghahanda ng almusal ay tumulong na rin si Anna sa kusina. Makalipas lang ng ilang minuto ay tinawag na ni Pauline ang mga kapatid para mag almusal.

"Kumain na tayo. Pau, halika na. Ihahatid mo pa si Anna," wika ng ina.

"Opo," sagot ng binata.

Sabay-sabay silang kumain ng almusal at pagkatapos noon ay naghanda na si Paulo para ihatid si Anna sa kanila.

"'Ma nasaan po susi ng sasakyan?" paghahanap ni Paulo sa ina.

"'Nak hiniram ni Tita Evelyn mo kahapon pa. Mag motor na lang kayo ni Anna," sagot naman ng ina sa kanya.

"Sige po," pagsang-ayon ni Paulo.

"Naku, hija pasensya na ah. Motor lang ni Paulo ang sasakyan ngayon. Hiniram ng kapatid ko sasakyan kahapon at may dinala sa Maynila eh," paghingi ng paumanhin ng ginang.

"Okay lang po Tita. Sabi ko nga po mag commute na lang ako eh," sagot naman ni Anna.

"Naku wala namang gagawin yang si Paulo. Okay lang yan," wika ng ina.

Lumabas na sila ng bahay kung saan pinastart na ni Paulo ang kanyang motor.

"Tita, girls. Salamat po. Pasensya na rin sa istorbo," pagpaumanhin ni Anna.

"Okay lang Ate. Balik ka ulit ah," wika ni Phoebe.

"Oo nga, Ate," pagsang-ayon ni Paula.

"Sige. Sa susunod ulit. Happy Birthday ulit," saad ni Anna sa mga ito.

"Pau, mag-ingat ah," bilin ng ina sa binata.

"Oo, 'Ma," maikling sagot ng binata.

"Sige po Tita. Maraming salamat po talaga. Bye girls," paalam niya sabay kaway sa mga ito.

"Mag-ingat kayo ah," muling bilin ng ina habang sumasakay si Anna at nagsuot ng helmet.

"Kumapit ka," wika ni Paulo sa kanya.

"Okay," maikling sagot naman niya.

"'Ma, alis na kami," sambit ni Paulo habang inaayos ang kamay ni Anna upang kumapit sa kanya.

"Bye po!" muling paalam ni Anna sa mga ito bago tuluyang umusad ang kanilang sinasakyan.

Naging napakatahimik ni Anna sa kabuuan ng kanilang byahe. Sinusubukan ni Paulo na magsimula ng pag uusap ngunit paisa-isang sagot lang ang ginawa ni Anna.

Nakalipas ang halos isang oras ay nakarating na rin sila Anna sa kanilang bahay.

"Salamat sa pag-hatid," seryosong wika ni Anna sa kanya.

Akmang tatalikod na si Anna ng biglang nagsalita si Paulo.

"Hindi mo man lang ba ako pa iinumin at pagpapahingahin kahit sandali?" nakangiting wika ng binata.

Naguilty si Anna sa narinig mula sa binata at napagtanto niya na tama ito. Galing sila sa halos isang oras na byahe sa ilalim na init ng araw kaya naguilty siya at pinapasok muna ito.

"Pasensya na. Tara pasok ka muna," nakayukong wika ni Anna.

"Bukal ba sa loob mo yan?" Nakangiting wika ni Paulo.

"Tara na nga. Bago pa magbago isip ko," inis na wika ni Anna.

"Joke lang. Seryoso mo naman," nakangiting wika ni Paulo.

Pinaupo ni Anna si Paulo at naghanda ng maiinom at mamemeryenda ng binata.

"Pasensya ka na. Yan lang ang stock naming ni Kuya," paliwanag niya.

"Okay lang," sagot ni Paulo.

Muling namayani ang nakakabinging katahimikan sa pagitan nilang dalawa. Unang bumasag sa tagpo ito si Paulo ng bigla siyang magtanong kay Anna.

"Anna. May problema ba tayo?" nakakunot ang noong tanong ni Paulo sa dalaga.

"Problema? Sa akin wala naman. Unless, ikaw may problema?" balik na tanong niya sa binata.

"Wala akong problema. Pero napansin ko lang hindi mo ako pinapansin simula kagabi. Pati ngayong umaga hindi ka namamansin. Ni hindi mo nga ako kausapin eh. Galit ka ba sa akin? May nagawa ba ako?" tuloy-tuloy na salita nito.

"Baka may nasabi ako or ginawa na hindi mo nagustuhan. Para sana mapag usapan natin," dugtong pa ng binata.

Huminga ng malalim at sinagot ang mga tanong ng nagtatakang binata.

"Wala akong problema. Wala kang ginawa at wala ka rin sinabi. Masakit lang ulo ko dahil sa biyahe kahapon tapos hindi ako nakatulog ng maayos din," sagot ng dalaga kay Paulo.

"Pasensya at ganun ang naramdaman mo. Itutulog ko lang 'to," dagdag pa ni Anna.

"Ganun ba? Pasensya na. Hindi lang kasi ako sanay ng ganyan ka eh," sambit ni Paulo.

"Oh, siya. Sige. Ako'y aalis na rin. Para makapagpahinga ka na. Magpahinga ka ah," wika ni Paulo sabay tayo mula sa sofa.

Tumayo na rin si Anna para ihatid si Paulo sa may gate.

"Salamat sa paghatid. At pasensiya na sa abala," wika niya habang sumasakay ng motor ang binata at inaayos ang kanyang helmet.

"Okay lang. Basta ikaw," sambit ni Paulo sa kanya sabay ngiti sa dalaga bago binuhay ang makina ng motor.

"Sige pumasok ka na at magpahinga," wika niya pa sa dalaga.

Paalis na si Paulo ng bigla siyang tinawag ni Anna.

"Paulo!" pasigaw na tawag ni Anna.

"Bakit?" sagot ng binata.

"Mag-ingat ka. At mag message ka sa akin kung nakauwi ka na sa inyo," nahihiyang wika ng dalaga.

"Okay," usal ni Paulo sabay kaway at andar ng kanyang motor.

At naiwang nakatanaw si Anna sa papalayong binata bago pumasok sa loob ng bahay upang magpahinga.