Webnovel / Realistic / Tafadhali, Nipende(Please, Love me)

Tafadhali, Nipende(Please, Love me)

Kuwa na kila kitu kizuri kwenye maisha haimaanishi kuwa una furaha. Ed ni kijana mwenye mafanikio makubwa akiwa na umri mdogo. Wengi waliyatamani maisha yake, na kwa sababu hiyo alikuwa ni role model kwa vijana wengi wenye ndoto ya kufanikiwa. Akiwa kijana mdogo alijiwekea malengo ya kutoyaleta mapenzi kabla ya wakati wake. Alitumia muda mwingi kuweka imara msingi wa biashara zilizomilikiwa na Simunge Group of Companies. Aliogopa kuyapa nafasi mapenzi wakati alikuwa na mengi ya kufanya. Hakutaka kuona akishindwa pande mbili LAKINI baada ya muda kwenda na kwa msisitizo kutoka kwa mama yake, Ed anaamua kujitosa kupenda, lakini hakujua ni kwa namna gani mapenzi yanaweza kukuchezesha kamari na ukabaki njia panda. Bila kujua yeye anapanga na wapo wanaopanga katika mipango yake. Martinez Kussah mfalme wa kupindua meza na kuyapanga matokeo anayotaka. Kabla Ed hajatweka ndoano yake kilindini kupata samaki, Martinez anamrushia samaki, Joselyn Martinez. Ajali ya kukutana uwanja wa ndege, inapelekea kuingia ndege moja. Haikuishia hapo, viti vinavyoambatana Business Class na mwisho hoteli moja. Coincidence? La hasha Mwanaume mmoja nyuma ya haya anahakikisha jambo lake lazima lifanikiwe. Baada ya Ed kufahamiana na Joselyn anaanza taratibu kuyaonja mahusiano ya mapenzi, lakini haachi misimamo yake, na anaiweka wazi kwa huyu mpenzi wake. Hatojihusisha nae kimwili hadi atakapomtangaza kuwa mke wake, bila kujua kuwa Joselyn ni mlamba asali asiyeweza kuliacha sega. Ed anakuta amevunja kanuni ya kwanza, na kumbe nyuma ya haya mkono wa Joselyn ulihusika. Na kwa sababu he is a man of his word analazimika kuendelea na safari hii ya mapenzi. Wiki tatu kabla ya kumvalisha pete, anakutana na simple girl Aretha, mchoraji. Picha ya binti huyu inakamata ubongo wa Ed, anaanza kuona kiza katika maamuzi yake. Anapojaribu kuwa karibu naye, kumbe kuna makundi mawili ya watu yanamsogelea huyu binti. Wale wanaotaka kumtumia kubadilisha maamuzi ya Ed na wengine wanataka kumuondoa mbali na Ed. Sasa maisha ya Aretha yanakuwa hatarini zaidi ikiwa yuko on the badside ya Martinez. Kabla ya haya makundi kupenyeza agenda zao, kundi la tatu lililo hatari zaidi linaibuka. Ed yuko njia panda ya kupambania moyo wake au misimamo yake, biashara au maisha yake. Amuokoe Aretha au aendelee na Joselyn. Let's wait as chapters unveil the desires of Edrian heart.

Evelyne_Buc · Realistic

Not enough ratings

245 Chs

NIKO NAWE

Alfajiri ya siku iliyofuata Edrian aliamshwa na mlio wa simu yake ikiwa ni mapema, alipoangalia ilikuwa ni namba ya Lyn kwenye kioo.

Hakupokea, akaamua kuinuka kitandani na kuelekea kwenye ofisi yake, ambapo alifungua kompyuta yake na kuanza kuangalia barua pepe kwenye akaunti yake ya Google.

Akasoma taarifa chache ambazo zilitumwa kutoka kwa wasimamizi wa migodi ya SGC. Ilipofika muda wa kufanya mazoezi akainuka na kuelekea kwenye chumba cha mazoezi. Bado Lyn aliendelea kupiga hata kumkera Ed ambaye aliamua kuizima simu na kuendelea na mazoezi. Akajuta kwa nini alimpa Lyn namba yake binafsi anayoitumia kuwasiliana na watu wake karibu

Baada ya kujiandaa vyema akatoka na kuelekea. Alipoingia kwenye gari akawasha simu na kisha akaenda moja kwa moja kwenye kuzuia simu zote za Lyn. Alipomaliza akampigia Aretha, na wakati huo akawasha gari na kutoka. Akiwa njiani simu ikaendelea kuita kwa muda hatimaye ikapokelewa na sauti ya mtu aliyekuwa usingizini

"Hello Rian" Ed alisikia sauti yenye mkwaruzo ikitoka kwa Aretha

"Retha, bado umelala princess?" Akauliza kwa upole

"Hapana, niko macho Rian" Aretha akajitahidi kusikika kama alikuwa macho lakini hakuweza sababu bado sauti ilitoa mikwaruzo kwa kutoongea muda mrefu!

"Okay, amka basi princess, ulichelewa kulala?" Ed akauliza

"Aaahm"

"Retha umechelewa kulala, ulikuwa unafanya nini?" Maswali yakaendelea

"Aaah. .aah___" akapata na kigugumizi

"Ulikuwa unachora Retha" Ed akamkamatia kwenye ukweli

"Rian_" Ed akamkatisha

"Ni sawa princess, lakini kumbuka kulala mapema bado mwili wako unahitaji mapumziko".

"Sawa nimekusikia"

"Asante kwa picha nzuri Retha, umeweka kumbukumbu kubwa kwangu"

"Aah sawa Rian"

"Najua ni zawadi, nataka niinunue kwa kuwa in___"

"NO...no Rian, usiseme hivyo, naomba uchukue ni zawadi yangu kwako kwa kunipenda" Aretha alisema taratibu huku sauti yake ikiishiria aliposema neno hilo la mwisho

"Eeeehm, wewe ndio unastahili zawadi princess kunikubali na kunipokea"

"Rian, nimekupa hiyo picha, hesabu nimekupa moyo wangu, huwezi kuununua, si ndio hivyo eeeh?"

Ed akashusha pumzi, "sawa princess. Nashukuru sana."

"Asante kuelewa"

"Princess" akaita Ed

"Aahmm" akaitika Aretha

"Sitaki kuendelea na ule mpango wa mama, nimechoka" Ed aliongea na kudhihirisha uchovu wote alikuwa nao

"Kumetokea nini Rian" akauliza Aretha ambaye ilikuwa wazi alishtushwa na kile Ed alimwambia

"Retha, siwezi kujizuia ikiwa Lyn ataendelea kuingilia maisha yangu. Nitaingia kwenye shida ikiwa nitamuumiza"

"Kwa nini umuumize Rian, kumbuka kutoruhusu mambo ya__"

"No Retha, siwezi. Siwezi kuwa mbali nawe" Ed akamkatisha Aretha kwa msisitizo katika sauti yake

"Uhmmm" Aretha akaguna

"Sheesh siwezi Retha.. anaingilia uhuru wangu sana. Nimeona nikwambie ili atakachofanya chochote kuanzia sasa jiandae kisaikolojia. Najua nakupa mzigo mkubwa princess, ila naamini ni maamuzi sahihi kwangu"

"Na huwazi taswira yako itakuwaje?" Nikikisa na mashaka ya wazi kwenye sauti ya Aretha

"Retha, acha wafikirie wanachotaka kufikiri. Najua baada ya muda ukweli utajulikana" Ed alijibu kwa uthabiti kabisa.

"Na mama umemwambia?" Akauliza Aretha

"Nikifika ofisini nitaongea nae, nimeona nikwambie lakini kama nilivyosema jana, uwe mwangalifu. Naamini uko smart katika hili, Joselyn ni msumbufu atajaribu kukuingia akutishe lakini nakuomba mpuuzie"

Aretha akanyamaza kwa muda, kimya kikatawala kati yao kwa sekunde kadhaa

"Retha" Edrian akaita

"Rian, uwe mwangalifu pia. Taswira yako ni taswira ya kampuni pia. Mimi naweza vumi_"

"NO, hayo ndio maamuzi yangu Retha. Nitashughulika na taswira yangu na ya kampuni nikijua sihitaji kukuficha au kuigiza. I can't Retha" kwa haraka Edrian alimkatisha Aretha.

"Ooooh sawa, niko nawe Rian" Aretha akajibu, japokuwa aliyaogopa maamuzi hayo lakini alijitia moyo na kumkubalia Ed

"Asante Retha. I love you princess" maneno ya furaha yakamtoka Edrian

Walipomaliza kuongea Edrian alikuwa tayari kafika Ashante Tower kwenye maegesho maalum. Akaachia tabasamu na kuchukua vitu alivyokuwa navyo kwenye gari, akashuka tayari kuelekea ofisini.

PREV INDEX Next