~ Ang Bagsak Ng Ulan ~

Dumadagundong,

Nakabibingi,

Nakatatakot.

Ang buong kapaligira'y nagdidilim

Wala kang ibang maririnig kundi ang pagkulog,

Ang kulog na halos ako ay mabingi

Ang kidlat na tila pinupunit ang kalangitan.

***

Ayoko talaga ng ulan

Pagkat ang ulan ay nagdudulot ng kalungkutan sa aking puso

Ang masasama at malulungkot na alaala'y nagbabalik.

***

Nakakatakot

Nakakalungkot

Lahat ng alaala'y masakit.

***

Kapag bumubuhos ang ulan

Ako'y laging nangangamba

Na baka sa aking paglingon ay biglang bumulaga ang madilim at nakakatakot na bangungot ng nakaraan.

***

Gusto kong magtago, gusto kong umiyak

Hindi ako makatakas sa isang bangungot na hanggang ngayo'y laging sa likod ko'y nakasunod.