Usok

Mag-isang nakaupo sa isang madilim na sulok,

isang mapusok na usok ang sa akin ay pumasok

at sa akin ay bumalot.

Unti-unti akong nito itinaas sa tutok

at dahan-dahan akong dinala sa rurok.

Mabilis kong naramdaman ang dagundong

ng puso kong mabilis na tumitibok,

kasabay ng aking paghahabol sa aking hininga.

nakakapagod nang huminga.

Ilang saglit, sa aking pagpapahinga

ay sabay-sabay akong nakaramdam ng pagod, pagkahilo, lungkot, saya, galit, hinagpis, sakit, panghihina at lakas ng loob...

Lakas ng loob. Lakas ng loob...

Muli akong dumapot ng posporo at sinindihan ito.

Pinanood kong unti-unting matupok ang nasa aking harapan.

Isang mapusok na usok ang sa akin ay muling bumalot,

pero sa pagkakataong ito...

Wala na akong maramdaman.