Kometa

Naglalayag sa ibabaw ng santinakpan

Ang buong mundo'y ikaw ang pinagmamasdan

Sa 'yong pag-indayog sumaboy ang kariktan

Pintakasi mo ako magpakailanpaman

Gayak mo'y niyebe, abo't mga bituin

Kay lapit tignan sa taglay mong ningning

Nais makapiling, harinawa'y mapasakin

Bagamat batid kong 'di kita kayang abutin

Alam ko namang 'yan ang 'yong tanging landas

Sino ba 'ko upang pigilan ang 'yong pag-alpas?

Sapat nang minsa'y naging iisa yaring langit

Sa susunod kong buhay,

Nawa'y magkasama tayo nang kahit saglit