Primal Chaos Lock

"Sabihin niyo ang lahat ng nalalaman niyo tungkol kay Zhao Feng! Kung may hindi kayo ihahayag, kayo rin ang magbabayad!"

Isang boses ang maririnig sa tabi ng God King Heaven Dragon. Ito'y walang iba kundi ang God Lord na nagdulot upang tumakas si Zhao Feng. Siya ay si God Lord Golden Emperor.

Ngunit sa tabi ng isang God King, wala siyang kuwenta. Hindi pa nga siya napansin noong una ng Pure Yang Palace Master.

"Opo! Noon, tinatawag ni Zhao Feng ang kaniyang sarili bilang Zhao Wang at dalawang beses na niyang tinulungan ang palasyo ng Pure Yang, matagal din siyang namalagi rito…"

Hindi naglakas-loob ang Pure Yang Palace Master na maglihim sa kanila at hinayag niya ang lahat ng nalalaman niya tungkol kay Zhao Feng.

Siyempre, alam niyang ang pagpapaamo ni Zhao Feng sa munting pusang magnanakaw ay isang pagpapanggap lamang.

Noong binanggit niya ang usapin ng pamana ng Heaven Mending Race, nagliwanag ang mga mata ng God King Heaven Dragon.