Kumpletong Kalakalan

Napakaraming nakuha ni Zhao Feng sa labanan nila ng Sacred Lord ngunit kasabay nito, kinailangan niyang gamitin ang God Slaying Arrow at iisa na lamang ang natitira. Hindi ito gagamitin ni Zhao Feng kung hindi naman kailangan dahil ito ang pinakamalakas at nakamamatay niyang baraha.

Kahit nasayang ito sa kasamaang-palad, hindi ito maiiwasan laban sa Sacred Lord.

Hindi siya maaaring manatili habambuhay sa Duke's Palace. Kung ganoon, magkakaroon siya ng malaking utang na loob kay Duke Nanfeng at mas liliit ang pagkakataong makuha niya ang Cloud Silkworm Saint Butterfly. Higit pa rito, hindi lamang ang Nine Darkness Palace ang nais labanan si Zhao Feng. Halimbawa, maaaring magpadala ng Sacred Lords ang Earth Spirit Hall.