Ek pal mai apne ghar pe mere bachpan ki pasandida movie Ajooba dekh raha tha, dusre hi pal mai Ajooba, Alibaba aur 40 chor, Hatim-Tai jaisi movies ki mix duniya mein tha. Aakhir kyon aur kaise. Jaanne ke kiye padhe yeh fanfic. ( Yeh meri pehli fanfic hai aur ek wish fulfilment story, toh kisi serious kahani ki ummid matt rakhna aur galtiyon ke liye maaf kar dena. Mai roj nahi lekhne waala. Jaise jaise inspiration aayegi aur time milega mai likhta jaunga. )
Mai nahi jaanta tha ki ho kya raha hai?! Ek pal mai apne ghar pe mere bachpan ki pasandida movie Ajooba dekh raha tha, dusre hi pal meri aankhon ke saamne andhera tha. Achanak meri aankhe khulti hai.
Mai khudko ek anjaani jagah par paata hu, anjaane logo ke saath.
Inke poshak aur bolne ka dhang dekh kar lag raha tha maano jaise mai Ajooba movie ki duniya mein pahuch gaya hu. Ya shayad mera koi dost mere saath mazaak kar raha ho.
Kaash yahi sach ho kyonki bhale hi mai time-travelling ka bahut bada fan hu. Lekin sach mein time-travel nahi karna chahta tha. Kyonki badi taqt ke saath badi zimmedario waale chutiyape mein fasne ka mujhe koi shauk nahi tha.
Pichhle 5 minutes se mera sar halke dard se fate ja raha tha. Isse badhiya toh upar waala utha hi leta. Kuch dhundli yaade mere dimaag mein laut rahi thi...
Hind... Baharistan.... Yaman... 40 choro ka aatank...
Maa ki aankh! Kaunsi chutiyape waali duniya mein pahuch chuka tha mai.
Mere sar ka dard khatm ho chuka tha. Aur ab mai achhe se jaanta tha ki mai kaun hu, kahan hu, kyon hu.
Mai purane bollywood fantasy movies ki mix duniya mein tha. Filhaal meri yaddasht ke hisab se Ajooba, Ali baba aur 40 chor, Hatim-Tai inn 3 movies ki maujudgi mein confirm kar sakta hai.
Shayad aur bhi movies iss duniya mein maujood ho jinke baare mein nahi jaanta...
Khair yeh jaadu, jinn, daaku, dehsat, ameer rajkumar, hadd se zyada khubsurat rajkumariyan, bure jaadugar { Amrish Puri }, Hadd se zyada dariyadil Hero/sehzade, julm sehti jaanta se bhari hui duniya thi.
Achhi baat yeh thi ki jisne bhi mujhe yahan bheja tha, usne mujhe Hind ka ek yoddha ke roop mein bheja tha. Mera naam bhi wahi tha Sushil. Mai Hind se baharistan ki or ja raha tha.
Mujh mein filhaal 10 hathiyo 🐘 ki taqat thi. Aur mai talwarbazi mein nipun tha. Hind ke hisab se mai ek Maharathi tha.
Hind mein yodhao ka vargikaran 4 roop mein tha. Rathi, Maharathi, Ati Maharathi, Mahamaharathi.