Chapter 1: Ang Hindi Inaasahang Pagkikita

Si Leo, sa kanyang simpleng buhay, ay palaging naghahanap ng mga paraan upang ma-enhance ang kanyang sarili. Sa kabila ng kanyang mga kakulangan sa edukasyon, handa siyang harapin ang hamon ng buhay. Tuwing makikita niya si Gabby, nadarama niya ang hangaring maging mas mabuti. Isang araw, nagpasya siyang bumili ng ilang libro sa bayan para matuto nang mag-isa.

Sa kanyang paglalakad, napadaan siya sa isang maliit na cafe. Napansin niya ang magandang artwork sa pader ng cafe, kaya't nagpasya siyang pumasok at umorder ng kape. Habang nagmamasid sa paligid, isang babae ang lumapit sa kanyang mesa at tinanong siya kung siya ba ay nagustuhan ang mga artwork. Ang babaeng ito ay si Rael.

Nakilala ni Leo si Rael bilang ang freelance graphic artist na gumawa ng mga artworks sa cafe. Masayahin at malikhain si Rael. Sa kanilang pag-uusap, nalaman ni Leo na si Rael ay nag-aaral din si Rael nang walang formal na edukasyon at lahat ng kanyang alam ay self-taught lamang. Kaya naman ay Ito ay naging inspirasyon kay Leo.

Hindi nila namalayan na ang kanilang pag-uusap ay tumagal ng ilang oras, na para bang sila ay magkaibigan na matagal na panahon. At bago sila nagpaalam sa isa't isa, binigyan ni Rael si Leo ng ilang recommendations sa mga libro at resources na makakatulong sa kanyang pag-aaral.

Habang naglalakad pabalik sa kanyang tahanan, naramdaman ni Leo ang excitement at determinasyon. Napagtanto niya na kahit anong hadlang, mayroon at mayroong paraan upang matuto at magsikap.

Sa mga sumunod na linggo, inumpisahan ni Leo ang pagbabasa ng mga inirekomenda sa kanya ni Rael. Ibinuhos niya ang kanyang oras sa pag-aaral, at sa tuwing may hindi siya maintindihan o may katanungan, ay tinatawagan niya si Rael. Ang kanilang pagkakaibigan ay patuloy na lumalim habang sila ay nag shareran ng kanilang mga kaalaman at karanasan.

Sa tulong ni Rael, natutunan ni Leo ang basics ng graphic design. Nagpasya siyang bumili ng second-hand na laptop at nag-install ng mga design software. Sa mga unang araw, madalas siyang ma-frustrate sa kakulangan ng kanyang kaalaman, ngunit sa bawat pagkakamali, may natutunan siya.

Bukod sa graphic design, natutunan din niya ang basics ng photography. Laking gulat ni Rael nang isang araw ay ipinakita sa kanya ni Leo ang mga kuha niyang litrato. "Natural talent," sabi ni Rael habang ngumingiti.

Isang araw, habang sila ay nasa cafe, napansin ni Rael ang isang job posting para sa isang junior graphic designer sa isang malapit na kompanya. "Subukan mo," sabi ni Rael kay Leo, "Wala namang mawawala."

Tinggap ni Leo ang hamon sa kanya ni Rael. Inayos niya ang kanyang portfolio at inilakad ito sa kompanya. Hindi man siya agad natanggap, binigyan siya ng pagkakataon na mag-intern at patunayan ang kanyang sarili.

Pagtatapos ng Internship, si Leo, mula sa isang ordinaryong tao, ay naging isang may kakayahang graphic designer. Hindi lamang siya natutunan ang mga bagong skills, kundi natuklasan din niya ang kanyang sariling galing at potensyal.

at isang araw ay niyaya ni Leo si Rael para i celebrate ang achievement na natamo nya, habang sila'y magkasama sa cafe. Samot saring mga kwento at tawanan nilang dalawa na parang sila lang ang tao sa cafe. At sa di inaasahang pagkakataon ay nandoon din pala si Gabby at napansin niya ang masayang pag-uusap ni Leo at Rael. Sa unang tingin, tila wala lang sa kanya ang pagkakaroon ng bagong kaibigan ni Leo. Subalit, sa pagtunog ng kanilang malalim na tawanan, isang kakaibang damdamin ang umatake sa kanyang puso, hindi nya maipaliwanag ang pangyayari at di nya maintindihan ang kanyang nararamdaman. Tahimik, ngunit sa loob niya ay naglalaro ang mga tanong at pangamba. Bakas sa kanyang mga mata ang lihim na pagseselos, iniisip ang posibilidad na may iba nang pumalit sa kanyang lugar sa buhay ni Leo.

Ngunit sa kabila ng kanyang nadarama, hindi niya pinahalata ang kanyang selos. Nagpilit siyang itago ang kanyang mga emosyon, nag-iwan ng magkahalong pagtataka at agam-agam sa kanyang puso.