Isang Araw na Paglalakbay sa Libingan (1)
Editor: LiberReverieGroup
Ang malaking pintuang bato ay hindi lubusang nakasarado at naiwan na bahagyang
nakabukas. Ang agwat ay napakaliit, halos dalawang daliri lamang ang lapad at hindi sapat
upang makapasok ang isang tao, ngunit sa ibaba ng pintuang bato ay mapapansin na may
bahagyang mga lubak. Ang mga lubak na iyon ay halos kasingkapal ng hibla ng mga buhok na
parang gawa iyon ng anuman na kumaskas doon.
"Dito ba lumabas ang Hell Rodent?" Tanong ni Drunk Lotus habang nakataas ang kilay. Lahat
ng nagdaang oras ay nasa pasilyo lamang sila at bukod sa pintuang bato, ay wala silang ibang
nakitang lagusan palabas. Ang Hell Rodent ay isang ring spirit at hindi maaring nagpakita ito sa
kawalan. Ayon sa hitsura ng mga munting gasgas, maaring iniwan iyon ng Hel Rodent na pinilit
ang sarili sa puwang na iyon.
Hindi maiwasan ni Jun Wu Xie ngunit may isang nakakatawang imahe ang nabuo s akaniyang
utak kung saan ang Hell Rodent na napakalambot at matambok ay para bang walang mga
buto na pinipilit ang sarili makapasok sa maliit na puwang na iyon, ang maliit nitong mga kuko
ay galit na kinakaskas ang pintuang bato habang sinisikap na itulak ang sarili.
"Kung nagmula sa loob ang Hell Rodent, maaring ligtas sa likod ng pintuang iyan." Saad ni
Poppy habang naglalakad paharap at nakaunat ang kamay upang itulak ang pintuan.
Ngunit na iyon ay kaniyang itulak, ang pintuang bato ay hindi man lang natinag kahit kaunti.
Bumakas ang gulat sa mukha ni POppy at sinubukan niya muling itulak iyon gamit lahat ng
lakas niya ngunit nanatiling matigas ang pintuan sa kaniyang harapan, hindi gumalaw maski
kalahati ng isang pulgada.
"..." Ang masamang hitsura sa mukha ni Poppy ay nagpakita ng sensyales na ito'y nababasag.
"Haha." Nanunuyang tumawa si Drunk Lotus habang nakatayo sa isang tabi na nakakrus ang
mga braso sa dibdib at nakatingin sa nayayamot na ekspresyon ni Poppy.
Bahagyang umubo si Poppy at tinitigan si Drunk Lotus na may nakakainsultong ngiti sa mukha.
"Ito'y hindi pangkaraniwan na pintuang bato. Mas mabigat ito ng kaunti kaysa karaniwan."
Ito'y higit pa!
Bagaman hindi kilala si Poppy sa kaniyang lakas, ang taglay nitong lakas ay hindi hihilingin na
maikumpara ng isang karaniwang tao. Kahit na ginamit nito ang bawat katiting ng kaniyang
kapangyarihan, ay hindi pa rin nito nagawang pagalawin ang pintuang iyon na nagsasabi
lamang sa kaniya na ang bigat ng pintuang iyon ay higit na mas mabigat sa hitsura nito.
Isang pintuang bato na kahit ang isang Purple Spirit ay hindi magagawang pagalawin…
Ang isang panig ng pintuang bato na iyo ay kulang-kulang sampung tonelada.
Katumbas ng pinagsamang dalawang malaking african na elepante!
Kahit ang pinakamalakas sa kanila, si Drunk Lotus ay itinulak iyon, ay namula na lamang ang
mukha dahil sa matinding pagsisikap ngunit hindi rin nagtagumpay.
Sa sandaling iyon ay hindi na magawang pagtawanan ni Drunk Lotus si Poppy.
"Saan ba gawa ang pintuang ito? Bakita napakabigat nito!?" Reklamo ni Drunk Lotus habang
humihingal, iniisip na ang pintuang bato ay nakakagulat ang bigat.
Kahit na pagsamahin pa nilang tatlo ang kanilang lakas, ay hindi pa rin nila nagawang
mapagalaw iyon maski kaunti.
Kung tanging lakas lamang nila, ay talagang imposible para sa kanila na mabuksan ang
pintuan. Matapos isaalang-alang iyon ng ilang sandali ay mag ideya na pumasok sa isip ni Jun
Wu Xie.
Ang puwang sa pintuan ay napakaliit at imposible sa ilan sa kanila na makapasok doon. Ngunit
para sa maliit na pusang itim, ay maaring magawa nito na ipasok ang sarili.
"Kayong dalawa ay magbantay dito. Kung sakaling may makasagupa kayong kapahamakan,
iwasan ninyong makipaglaban at hatakin ninyo ako at tumakbo. Kung may makasalubong kayo
sa ating mga kasama, tignan ninyo kung kaya nilang buksan ang pintuan." Habang sinasabi
iyon ni Jun Wu Xie ay naupo siya na nakasandig ang likod sa pader at ang pusang itim ay
tumalon sa kaniyang kandungan at nahiga doon.
Ngayon na nakapasok na siya sa loob ng libingan ng Dark Emperor, ang matinding pag-uusisa
sa puso ni Jun Wu Xie ay nagnais na makalagpas sa pintuang bato na iyon upang malaman
kung ano ang nasa likod nito. Bagama't hindi niya kaya gawin iyo sa sarili lamang, ay
magagawa ito ng pusang itim!
Bagaman hindi maintindihan ni Poppy at Drunk Lotus kung ano ang susunod na gagawin ni Jun
Wu Xie, ngunit bilang mga ring spirit niya, ay sumunod sila sa ipinag-uutos nito.
Maya-maya ay ipinikit ni Jun Wu Xie ang kaniyang mata at tila nakatulog ito.