Chapter 37: Inlove eh

Yung sinabi kong wag sabihin sa iba. Ipinagkalat ni Kian sa buong tropa. Tuloy, tampulan na naman nila ako ng tukso hanggang uwian.

"E anong plano pre?. haranahin mo kaya?..." suhestyon sakin ni Dave habang papasok ng parking lot. Nasa balikat ko ang kamay. Hawak ang strap ng aking bag. Si Dave lang ang nakasabay kong pumunta dito dahil yung iba. Nauna nang umalis. Magroroadtrip daw sila. E hinde ako sumama kasi nagtext si ate na may pupuntahan raw kami ngayon. Si Dave naman. Hinde din sumama dahil susunduin pa raw nya mama nya sa grocery store. Pinaayos pa raw kasi yung isa nilang sasakyan. Yaman!. Kami. Medyo lang.

"Try ko. Pag pinayagan na akong manligaw.." Yun naman ang totoo. Di pa sigurado kung papayagan ba ako nila Lance o hanggang duon lang ako sa kaibigan lang. I'm torn between just a friend and a lover.

"Hinde ka pa ba nanliligaw?.." anya.

Nagkibit balikat lang ako. "Hinde pa sa ngayon. Pero sana, payagan.."

"Payagan ka yan bro. Si Lance pa.." tinapik ako sa balikat ng dalawang beses. Pinapalakas ang loob ko.

Sana nga.

Nagtuloy tuloy pa ang kwentuhan namin hanggang sa marating ang lugar ng motor ko at ng kotse nya. Magkaharap ang mga ito. Daanan lang pagitan nila.

"Una na ako bro.. ingat.." pinatunog nito ang sasakyan bago buksan.

"Ge. ingat ka din bro.." kaway ko dito pero nabitin sa ere ang kamay ko nang biglang magheadlight ang sasakyang katabi ng kotse nya. Kumunot ang aking noo dahil sa ilaw nito. Magagalit na sana ako sa taong may-ari noon ng lumabas ang bulto ni Lance na nakapamulsang nakatingin sakin.

Imbes na ibaba ang kamay. Idinaretso ko ito saking buhok saka ito hinagod patalikod. Bigla akong nilamon ng kaba. Susmaryosep!!. Bakit sya andito?.

Namatay ang headlight ng sasakyan nya. Naglakad ako palapit sa kanya. Inistart naman ni Dave ang sasakyan nya ngunit pinatay din ng makitang maglakad ako sa gawi nila.

"Napasyal ka pre?.." bungad ko sa kanya. Kumalabog ang pinto ng isang kotse. Mukhang bumaba si Dave. Hindi nga nagtagal nagsalita sya. "Pre?.." takang tanong nya kay Lance. Tumango lang ito sa kanya tapos bumaling ulit sakin.

"Pauwi na ba kayo?.." tanong nya. Direkta ang mata sakin.

"Pauwi na sana. Anong ginagawa mo dito?.." kinakabahan kong sambit.

Lumingon sya sa sasakyan. Parang may tao sa loob. Hinde ko makita kasi tinted yung bintana nya. "May binigay kaming donation kanina.."

"Kami?..sinong kasama mo pre?.." si Dave.

"Si Bamby. Gusto nya raw makitang muli itong school. Kaya sinama ko sya.." kumalabog ang pintuan ng kanilang sasakyan. Iniluwa ang bulto nya. Parang bumaba sa langit ang kanyang ganda. Nakatali ang mahaba nitong buhok na pinaikot sa kanyang tuktok. Mapula ng bahagya ang kanyang labi. At parang ganun rin ang kanyang mga pisngi. Napalunok ako ng magtama ang aming mga mata. Susmaryosep Jaden!.. Baka makalimutan mong huminga dyan. Mahimatay ka.

"Hi Bamby.." bati sa kanya ni Dave sabay akbay sakin. Hinarap nya kami. Lihim kong nilinis ang lalamunan ng makita ang kanyang suot. Sobrang iksi ng short nya bro. Lantad tuloy ang makinis at mahaba nyang mga binti. Kulang nalang tumulo laway ko. Damn!. Mabuti pa yung pang itaas nya. T-shirt na mukhang sobrang luwag naman sa kanya. Bakit kung kailan kinulang ang short nya duon naman sumobra ng laki ang suot nyang t-shirt?. Pinagpalit nalang nya sana. Susmaryosep Bamby!. Tinabihan nya si Lance na nakapamulsa pa rin hanggang ngayon. Binaba ko ang tingin upang iwasan ang mata nya at para makakuha rin ng hangin ngunit sa mga paa nya lang din dumiretso ang malikot kong mata. Suot nito ang flip-flops na itim. Mas lalong lumabas ang malaporselana nitong balat.

Binasa ko muna ang mga labi bago umayos ng tayo. Nagdiwang agad ang puso ko ng makita ang ngiti nyang kaytagal kong hinanap. "Hi..." bati nya samin ng nakangiti. Susmaryosep!. Bat ang ganda mo?. Wag kang masyadong ngumiti sa iba. Baka mainlove sila sa'yo.. Kinurot ni Dave ang balikat na pinagpatungan ng kanyang braso. Nalilito ako kung anong sasabihin. Fuck!. Isip boy!..

"Hi..." parang tanga lang. Susmaryosep Jaden!. Umayoss ka nga!.. Tumambay na sa kanya ang aking mata. Nawala lang ng tumikhim ang kapatid nya.

"Ehemmm.." nahihiya akong tumingin kay Lance. Ano ba?.

"Sabay na kami sa'yo Jaden.." Anya.

"Huh?.." gulat kong tanong. Nalilito. Nahihilo sa kanyang sinabi.

"Nagtext si ate Cath sakin. Di na raw sya makakapunta ng bahay dahil gabi na raw para kay Klein. Excited kasi tong si Bamby na makita baby nya. Kaya kami nalang ang pupunta sa inyo.." paliwanag nya bigla.

Ito ba yung sinasabi ni ate sakin?. Sa bahay nila kami pupunta?. Ate!!..

"Ahhh.. hehe. sige. mas mabuti pa nga.. Gabi na rin kasi.." mabuti nalang at di nagtuloy tuloy ang pagbuhol ng aking dila. Dahil kung ganun ang nangyari. Nakakahiya sa kanya. Sa kapatid nyang mariin kung tumitig sakin. Susmaryosep!!.

"So tara?.." sya ang nagtanong nito. Nakanganga akong tumango sa kanya. Kingina mo boy!.

Nagpaalam rin si Dave samin dahil ibang daan ang gawi nya. Sumakay ako ng motor ng nanginginig at may halong ngiti. Pupunta sya ng bahay. Naman boy!. Araw mo ba ngayon?. Nakita mo sya e. At mukhang makakasama mo pa sa bahay nyo. I declare this day as a lucky day!.. Ilang ulit pa kong sinutil ng isip ko na lihim ko ring kinokontra. Pinalis ko iyon saking isip ng makitang pumasok na sila ng sasakyan. Isinuot ko ang helmet saka sinaksak ang susi para istart ang motor. Nauna akong nagmaneho. Nakasunod lang sila sakin. Pero, pakiramdam ko. Nauna nang nakarating sa bahay ang kalahati ng katawan ko. Nakalutang habang nagmamaneho.