Ang Love Letter mula sa nakaraan (6)

Niyakap ni Lu Jinnian ng sobrang higpit si Qiao Anhao at matapos ang ilang

sandali, dahan-dahan siyang yumuko para bulungan ito, "Qiao Qiao,

maraming salamat. Pangako, buong buhay kitang aalagaan."

Maraming salamat sa pagmamahal mo sa akin.

Maraming salamat dahil pumayag ka na maging asawa ko.

Maraming salamat sa pagdadala mo sa magiging anak ko.

Walang salita ang sasapat sa pasasamat ko sayo, at ang tanging maisusukli

ko lang, ay ang habang buhay kitang aalagaan at iingatan…

Hanggang sa huling hininga ko…

Masyado pang maaaga ang panghabang buhay na pangako, pero pagdating

kay Lu Jinnian, palaging panatag si Qiao Anhao.

Niyakap niya ng mahigpit ang bewang nito.

Sa kalagitnaan ng napakatahimik na gabi, sinulit nila ang pagkakataon na

yakapin ang bawat isa.

Pagkalipas ng matagal na pananahimik, muling nagsalita si Lu Jinnian,

"Qiao Qiao, wag mong sasabihin sa magiging baby natin na pinainom niya

ng contraceptives…"

Pero bago pa siya matapos ay naramdaman niyang tinignan siya ni Qiao

Anhao ng masama kaya dali-dali niyang binago ang usapan, "Qiao Qiao, ang

galing mo kanina."

Kahit kailan, hindi naisip ni Qiao Anhao na ang isang Lu Jinnian na

hinahangaan ng lahat, ay pupurihin siya kaya napatawa nalang siya sa

sobrang kilig pero sa kalagitnaan ng katuwaan, bigla niyang naalala ang

tungkol sa bagong scandal na lumabas bago magumpisa ang finals, kaya

nagtataka siyang nagtanong, "Lu Jinnian, totoo bang naginvest ka sa

Hollywood movie?"

"Oo, isa kasi yung asawa ni Lucy sa mga direktor kaya matagal na naming

napagkasuduan ito." Kahit alam ni Lu Jinnian na hindi siya pinagiisipan ni

Qiao Anhao ng masama, gusto niya pa ring linawin ang lahat, kaya muli

siyang nagpatuloy, "Yun yung dahilan kung bakit ako pumunta sa America."

Naalala rin ni Qiao Anhao na isa sa mga bilin ni Lu Jinnian sa assistant

bago ito magpakalayo-layo ay tulungan siyang maging screen queen. "Lu

Jinnian, dinaya mo ba ang resulta? Nakapagtataka lang kasi na biglang

nagkaroon ng scandal sa kalagitnaan ng competion.

"Hindi," paninigurado ni Lu Jinnian. "Nangangako ako sayo na lahat ng

resultang natanggap ay galing sa lahat ng pinaghirapan mo."

Ilang sandaling natigilan si Lu Jinnian bago siya magpatuloy, "Qiao Qiao, sa

totoo lang, gusto sana talaga kitang tulungan pwero noong final round lang.

Naniniwala kasi ako na kayang kaya mo ang preliminary rounds, pero hindi

ko naman akalain na gagalingan mo masyado sa kanina. Lahat kami

napanganga sayo."

Ito ang unang pagkakataon na pinuri ni Lu Jinnian si Qiao Anhao kaya bigla

siyang namula sa sobrang kilig. Dali-dali niya itong niyakap ng mas mahigpit

at payabang na sinabi, "Lu Jinnian, ang galing galing ko talaga!"

-

Nang magising si Cheng Yang ng ala-una ng madaling araw, napansin

niyang gising rin si Qiao Anxia. Naka'earphones ito at nakatikod sakanya

habang abalang abala sa phone nito.

Sobrang taas ng brightness ng screen nito kaya lalo pa itong nagmukhang

maputi.

"Xia Xia," Pero dahil nakaearphones si Song Xiangsi, hindi siya nito narinig

kaya dahan-dahan siyang umupo para lapitan ito.

Malinaw ang mata ni Cheng Yang, kaya kahit medyo malayo siya sa screen,

kitang-kita niya pinapanuod nito ang video ng interview ni Lu Jinnian

kahapon.

Hindi niya rin maintindihan kung bakit, pero siyang nalungkot sa nakita niya.