Want to Become Stronger

>Sheloah's POV<

No'ng naubos na yung mga zombies dito sa bridge, sabay kaming umupo ni Tyler at ni Geof sa sahig at ang bilis ng paghinga namin dahil sa pagod. Sila hindi napapawisan, pero ako pawis na pawis na.

Tiningnan ako ni Tyler at nginitian niya ako. "Training is over. Do you want to go home? Veon and your family is waiting for you," sabi niya sa akin pero hindi ko siya sinagot.

"Kaya nga, Sheloah. Tingnan mo. 7:36PM na. Nakarating tayo rito ng 6. Tara na! Bago pa magalit ang bestfriend at pamilya mo sa akin," dagdag sabi pa ni Geof pero tiningnan ko yung katana at tumingin ako beyond this bridge.

Natuto akong gumamit ng katana dahil gusto kong maprotektahan ang pamilya at kaibigan ko. Ngayon, kuntento ako na marunong ako pero… bakit feeling ko nakukulangan ako sa aral ko? Parang gusto ko pang lumakas.

Tumayo ako at tumayo rin silang dalawa. Hawak-hawak ko parin yung katana at nakatingin parin ako sa harapan ng bridge.

"Sheloah," tinawag ni Tyler yung attention ko at tiningnan ko sila ng seryoso.

"Gusto kong mag training mag isa sa sementeryo," I said finally at nagulat si Tyler at Geof sa sinabi ko.

"Siraulo ka ba? Gusto mo bang mamatay," tanong ni Geof sa akin at hinawakan niya yung balikat ko. "Sabi ko sa'yo hindi ka pwede pumunta roon," dagdag sabi pa niya and I brushed him off.

"What's gotten into you? You're becoming risky in your actions," sabi niya sa akin at nginitian ko siya ng unti. Totoo kasi na nagiging pasaway na ako.

"Gusto ko kasing lumakas. Para maprotektahan ko ang pamilya ko at ang mga kaibigan ko," sabi ko at nung pagkalingon ko, hinawakan agad ni Geof yung kamay ko at hinila niya ako.

"Mamamatay ka dahil sa desisyon mong 'yan," sigaw niya at napikon ako kaya tinanggal ko yung kamay niya sa kamay ko at tinutukan ko siya ng katana ko at napahiga si Geof sa sahig. Nagulat silang dalawa dahil sa ginawa ko.

"Don't get in my way," utos ko sa kanila at bigla silang tumahimik. Pero bigla akong natauhan no'ng nakita ko na medyo takot at nag aalala sila. Agad kong binaba yung katana ko at huminga ako nang malalim.

"Sheloah… don't do this," pilit na pagsabi ni Tyler sa akin pero nginitian ko na lang siya ng onti.

"I'm sorry, but I want to become stronger," sabi ko at lumingon ako. "For all of you. For everyone," bulong ko at tumakbo na ako paalis ng bridge.

Narinig kong sinigaw ni Tyler yung pangalan ko pero hindi parin ako tumitigil. Pinigilan siya ni Geof at siguro bumalik na sila ng hotel para i-sumbong kay Veon o sa pamilya ko kung ano ang nangyari.