SIMULA

"Babe, I'm sorry hindi ko naman sinasadya—"

"Putcha, Achilles! Lagi na lang iyan ang dahilan mo! May gusto ka ba sa babaeng iyon at ayaw mong ipaalam sa kanya na girlfriend mo ako?" galit na tanong sa kanya ng kanyang kasintahan.

"Babe, wala akong gusto sa kanya! Saan mo ba nakuha ang ideya na iyan—"

"Kung wala ka talagang gusto sa kanya bakit dine-deny mo sa babaeng iyon na hindi mo ako girlfriend? Nasaan na iyong sinabi mo noon na, Let's make our relationship private but not a secret."

"Babe..." lumapit ito sa dalaga at hinawakan niya ito sa magkabilang kamay.

"Achilles, there's a big difference between secret and denial. Kung tatanungin mo ako, mas tanggap ko pa na wala akong nakuha sa exam kaysa naman sa itanggi ako ng boyfriend ko sa ibang tao na hindi niya ako girlfriend."

"Kaya nga humihingi na ako ng sorry sa'yo 'di ba? Sorry kung itinanggi kita. Promise, hindi ko na ulit gagawin iyon. Please, patawarin mo na ako babe." pagmamakaawa niya sa kasintahan.

"Iyan ka na naman sa mga pangako mo at sorry sa akin pero lagi mo lang din naman inuulit. Sa salita ka lang naman magaling Achilles pero sa gawa, walang-wala. Alam mo, mas mabuti siguro kung mag-break na lang tayo." malamig ang mga titig ng kanyang kasintahan sa kanya habang binibitawan niya ang bawat katagang sinabi nito.

"Ayoko!" agad namang sigaw ni Achilles at napaluhod pa sa paanan ng kanyang kasintahan habang hawak pa rin niya ang kamay nito. "Babe, huwag naman ganito. Huwag mo naman akong iwan." mahinang bulong niya habang nangingilid ang kanyang mga luha.

"Then, choose. Ako o siya?"

Namayani ang katahimikan sa pagitan nilang dalawa nang bitawan ng dalaga ang mga katagang iyon.

"Babe..."

"I'm asking you, Achilles. Ako o ang babaeng iyon?"

"I'm sorry..."