Ch 7
"ရှောင်ဟွာရေ, မင်းဘယ်မှာလဲ။ မင်းသဘောအကျဆုံးအစ်ကိုကြီးကမင်းနဲ့ကစားဖို့ဒီမှာရောက်နေတယ်" ယွမ်သည် ဂိမ်းထဲသို့ ရောက်သည့်အချိန်တွင် တောထဲ၌ကျယ်လောင်စွာအော်ဟစ်လိုက်သည်။ "အား... ငါဘာတွေလုပ်မိနေတာလဲ" သူကနောက်ဆုံးတွင် ထိုင်ချလိုက်ပြီး သူ၏လက်သည်လည်ပင်းတစ်ဝိုက်ရှိလည်ဆွဲနားသို့ရောက်လာသည်။ သံမဏိဖြင့်ပြုလုပ်ထားပြီးကျောက်စိမ်းတုံးလေး ချိတ်ဆွဲထားပုံရသောလည်ဆွဲလေးသည်အလေးချိန်မရှိသောအမွေးကဲ့သို့ ပေါ့ပါးနေသည်။
« ရှောင်ဟွာ ရဲ့လည်ဆွဲ»
«အဆင့် - ??? »
«ဖော်ပြချက် - ရှောင်ဟွာထံ မှရရှိသည်။ »
"သူမကသူမကိုခေါ်တဲ့နေရာမှာသုံးဖို့ပြောပေမယ့်ငါဘယ်လိုသုံးမှာလဲ" သူကစဉ်းစားနေစဉ် လည်ဆွဲကိုလျှောက်ဆော့ကြည့်ခဲ့သည်။ သူကလည်ဆွဲကို ထိကြည့်သည်၊ပွတ်သပ်ကြည့်သည်၊ ဖွင့်ရန်အမိန့်ပေးကြည့်သည်၊ ဒါတင်မက လျှာဖြင့်ပါလျက်ကြည့်လိုက်သေးသည်။သို့သော် လည်ဆွဲသည်ပြောင်းလဲခြင်းမရှိပေ။ မိနစ်များစွာနှင့် အကြိမ်များစွာကုန်ဆုံးပြီးနောက် ယွမ်သည် လည်ဆွဲစစ်ဆေးရန်ကြိုးပမ်းမှုကိုရ ပ်ဆိုင်းရန်ဆုံးဖြတ်ခဲ့သည်။
"အိုး, ရှောင်ဟွာရေ။ မင်းက ရှုပ်ထွေးတဲ့အရာတစ်ခုကို သူ့ရဲ့အသုံးပြုပုံတွေအကြောင်း မရှင်းပြဘဲဘယ်လိုလုပ် ပေးနိုင်ရက်တာလဲ" သူကကျယ်လောင်စွာသက်ပြင်းချလိုက်သည်။ ရုတ်တရက် ကောင်းကင်သည်ပင်သူ၏သက်ပြင်းချသံကိုကြားလိုက်ရသကဲ့သို့ မြေကြီးသည်လှုပ်ခါသွားသည်။
သတ္တုချင်းထိပ်တိုက်တွေ့သံ နောက်တွင် အသံကျယ်ကျယ်ဖြင့်ကျိန်ဆဲနေသံသည် ကပ်လျက်လိုက်ပါလာသည်။
"မင်း ခွေမသား, ငါ့ ရဲ့ချုပ်နှောင်ဓါးချက်ကို မြည်းကြည့်လိုက်စမ်း!"
"သေမင်းနဲ့သွားတွေ့လိုက်!"
ဘွမ်း!! အနီးအနားတွင် ကျယ်လောင်သောပေါက်ကွဲမှုဖြစ်ပေါ်ခဲ့ပြီး ယွမ်ကို တုန်လှုပ်စေခဲ့သည်။ ဘာဖြစ်တာလဲ ကမ္ဘာမြေကြီးက အခုခေတ်မှာ ဘာ့ကြောင့်တုန်ခါသွားတာလဲ။ တစ်ယောက်ယောက်ကဗုံးကျဲချတာလား။ ခလွမ်! သတ္တုချင်းတိုက်ခိုက်သံများထပ်မံထွက်ပေါ်လာပြီး ရုတ်တရက်လေပြင်းတိုက်ခတ်သဖြင့်ယွမ်သည်လေထဲသို့မြှောက်သွားသည်။
"မကောင်းဆိုး၀ါး မန်လိ! ဒီနေ့ မင်းကိုငါမသတ်နိုင်ရင်ငါ ကျန်းရွှယ်ကန်း မဟုတ်တော့ဘူး!"
"ဟား ဟား ဟား! မင်းလို ၀ိညာဏ်အရှင်သခင်အဆင့်လောက်ကို ခြေလှမ်းတစ်၀က်ပဲရောက်နေတဲ့သူကများ ငါ့ကိုသတ်နိုင်မယ်ထင်နေတာလား? မင်းဘယ်လောက်တောင် ရူးမိုက်လိုက်သလဲဆိုတာ ငရဲကိုရောက်မှ သဘောပေါက်လာလိမ့်မယ်။ "
ထန်! ခလွမ်! ခလွမ်!
ပြင်းထန်သောစွမ်းအားများဖြင့်ပြည့်နှက်နေသော အားလှိုင်းများသည်တိုက်ပွဲအတွင်း ကောင်းကင်ထက်သို့လျင်မြန်စွာပျံ့နှံ့သွားပြီး တချို့တ၀က်သည် ယွမ်၏အနားမှ ဖြတ်သွားတိုင်း သူ၏ကျောရိုးကို အေးစိမ့်သွားစေသည်သွားသည်။
"တကယ်ကို လူနှစ်ယောက်တိုက်ခိုက်နေရုံနဲ့ ဒီလိုမြင်ကွင်းကိုဖြစ်ပေါ်စေတာပဲ။ ! " အနည်းဆုံးတော့ ပြောရမယ်ဆိုရင် ယွမ်ဟာတုန်လှုပ်သွားပါတယ်။ "အခြာလူ တစ် ဦး ရဲ့ဥယျာဉ်တော်မှာ တိုက်ခိုက်နေတာ ဘယ်လောက်တောင်လေးစားမှုမရှိလိုက်သလဲ!"
မကြာခင်မှာပဲ ပုံရိပ်နှစ်ခုက ယွမ်ရပ်နေတဲ့နေရာကနေ တိုက်ခိုက်မှုကိုမြင်နေရသည်အထိ နီးကပ်လာပါတယ်။ တစ်ယောက်က အနီရောင်ဆံပင်ရှည်ရှိပြီး နောက်တစ် ဦး ကအနက်ရောင်ဆံပင်အရှည်နဲ့ဖြစ်ပါတယ်။ သူတို့ဟာအပြန်အလှန်ပျံသန်းနေပြီး တစ် ဦး ကိုတစ် ဦး ပြင်းပြင်းထန်ထန်ဓားထိုးပြီး တိုက်ခိုက်တာကြောင့် ပတ်၀န်းကျင်ကိုဂယက်ထစေပါတယ်။
"သူတို့ကအဲဒီလူအိုကြီးလိုပဲပျံသန်းနေကြပြီ!" ယွမ်က သူနှင့်အခြားကစားသမားထောင်ပေါင်းများစွာကိုဓားပျံပေါ်တွင်ရပ်နေရင်း ဤကမ္ဘာနှင့် ပတ်သက်၍ အကျဉ်းချုပ်ရှင်းပြခဲ့သောလူအိုကြီးစုန့် အားပြန်မြင်ယောင်မိသည်။ လေထဲရှိတိုက်ပွဲသည်တစ်ဖက်နှင့်တစ်ဖက်အားသာချက်မရှိဘဲမိနစ်များစွာကြာရှည်ခဲ့သည်။ သူတို့က လက်ရည်ညီနေသလိုပါပဲ။ သို့သော်သူတို့က ယွမ် တည်ရှိရာနေရာနှင့်နီးကပ်သထက် နီးကပ်လာသည်နှင့်အမျှသူတို့၏ ဓားတိုက်ပွဲများကြောင့်ဖြစ်ပေါ်လာသော အပျက်အစီးများသည် ယွမ်ကိုအလွန်အမင်းနာကျင်စေခဲ့သည်။ တိုက်ပွဲနှင့် သိပ်မဝေးသော်လည်း ယွမ်သည် သူအတွက်အသက်ရှူဖို့ရန်ပင် ခက်ခဲစေသောလွှမ်းမိုးမှုဖိအားကိုခံစားခဲ့ရပြီးသူ၏ကိုယ်ခန္ဓာသည် ကျောက်တုံးကြီးတစ်တုံးကို သယ်ဆောင်ထားသကဲ့သို့ခံစားခဲ့ရသည်။
"ငါ့အတွက်သေလိုက်တော့။ ဟဟဟဟ! အရမ်းအားနည်းတယ်၊ အရမ်းအားနည်းတယ်၊ သွေးယိုစိမ့်ဓားချက်!" ယခင်ထက်သာလွန်သော စွမ်းအင်လှိုင်းများရိုက်ခတ်မှုသည် မိုးကုပ်စက်ဝိုင်းကို မမြင်နိုင်တော့သည် အထိ မွှေနှောက်သွားခဲ့သည်။
အဟွတ်! ယွမ်သည် ထိုဖိအားကိုခုခံတွန်းလှန်နိုင်ခြင်းမရှိဘဲသွေးအန်သွားသွားသည်။ "သောက်ပဲ!ဒါကတကယ်ကို ပြင်းထန်တာပဲ!" သူက ပြောရင်းဆိုရင်း မာလက်ဖြင့်သူ၏ပါးစပ်မှသွေးများကိုသုတ်လိုက်သည်။" ငန်ကျိကျိ သွေးရဲ့အရသာကိုငါမြည်းစမ်းလိုက်ရတာဘဲ " ယွမ်သည်ယခုအခိုက်အတန့်တွင် လုံး၀နှစ်မြှုပ်နေခဲ့သည်။ သူ၏ခန္ဓာကိုယ်အတွင်းနာကျင်မှုသည် ဤဂိမ်း၏လက်တွေ့ဆန်သည့် လုပ်ဆောင်ချက်များကြောင့် ၎င်းကိုဂိမ်းတစ်ခုသာဖြစ်ကြောင်း မေ့သွားစေခဲ့သည်။ "သူတို့နဲ့သာပိုမိုနီးကပ်လာရင်ငါဟာ ကြားထဲကနေ သေတော့မှာသေချာနေတယ်" သူက ဒီလူနှစ်ယောက်နားကနေ ထွက်ပြေးလာပေမဲ့သူတို့အချင်းချင်းကြားက တိုက်ခိုက်မှုတွေက ပိုမိုပြင်းထန်လာသည်။
"ကမ္ဘာကိုးခုဓါးချက်!"
"သွေးမကောင်းဆိုး၀ါး!" ထန်! သစ်ပင်များလဲကျပြီးမိုးတိမ်များပြန့်ကျဲသွားသည်။ ယွမ် သည် သစ်ပင်တစ်ပင်ဆီသို့လွင့်ထွက်သွားပြီး တစ်ခဏတာမေ့မြောသွားခဲ့သည်။
-
"ဟားဟားဟား! ကျန်းရွှယ်ကန်း ဘာဖြစ်သွားတာလဲ။ ငါ့ကို မင်းကို ဒီနေ့ပဲ သတ်ပစ်မယ်လို့ မပြောခဲ့ဘူးလား" လူတစ်ယောက်သည် လက်မောင်းတစ်ဖက်ပျောက်ဆုံးနေသောအခြားလူတစ်ယောက်ကိုညွှန်ပြရင်းပြုံးနေသည်။ " ရှေးဟောင်းဓားဂိုဏ်း၏အဓိကတပည့်မက မင်းရဲ့ဂျူနီယာညီမလိုပဲ။ဟဟားဟား အရမ်းအရမ်းကောင်း--- "
"ငါမင်းကိုသတ်မယ်။ " ကျန်းရွှယ်ကန်းသည် ဟိန်းဟောက်လိုက်၏၊ သူ့မျက်လုံးနီရဲသွားပြီး သူ၏ကျင့်ကြံမှုအခြေခံသည် ရုတ်တရက်သိသိသာသာတိုးပွားလာသည်။
"ဘာ!?"
မကောင်းဆိုး၀ါးမန်လိ၏ မျက်လုံးက တုန်လှုပ်သွားသည်။ " မင်း…ငါတို့ရဲ့တိုက်ပွဲအလယ်မှာပဲ နောက်တစ်ဆင့်ချိုးဖြတ်သွားတာလား?!"
"ငါ့ရဲ့ခြေလက်အင်္ဂါလေးခုလုံးဆုံးရှုံးပြီး မသန်မစွမ်းဖြစ်လာရမယ်ရင်တောင် မင်းကိုဒီနေ့အတွင်း ရအောင်သတ်ပစ်ပြိီး ဂျူနီယာညီမရှ အတွက်လက်စားချေမယ်" သူ၏မျက်လုံးများနှင့်နှာခေါင်းများမှသွေးများထွက်ကျလာပြီးသူ၏ကိုယ်ခန္ဓာတစ်ခုလုံးတွင်သွေးပြန်ကြောများ ထောင်လာခဲ့သည်။ "သူမ မင်းရဲ့ ချစ်သူလား။ မင်းမသေခင် အရေးကြီးတဲ့ အရာတစ်ခုပြောပြပါရစေ။ သူမခန္ဓာကိုယ်ဟာအံ့သြစရာပဲ။ သူမက သူမကိုယ်သူမ အလျင်အမြန်သတ်သေခဲ့တဲ့အတွက်စိတ်မကောင်းစရာပဲ။မဟုတ်ရင် ငါသူမရဲ့ခန္ဓာကိုယ်ကိုပိုပြီးတောင်ခံစားရမှာပဲ။ ဟား ဟား ဟာူ ! "
"သေလိုက်တော့ မန်လိ !!!!" ကျန်းရွှယ်ကန်းဆုပ်ကိုင်ထားသည့် အပြာရောင်ဓားသည် အပြာရင့်ရောင်အလင်းရောင်တောက်ပနေပြီး တိမ်တိုက်များကိုကျော်လွန်၍ သတ်ဖြတ်လိုမှုများမြင့်တက်လာခဲ့သည်။
"ဝိညာဉ် ဓားသွား!"
" ငါ့ကိုမင်းနဲ့အတူခေါ်ဆောင်သွားဖို့ကြိုးစားနေတာလား။ မင်းက ငါ့လိုဝိညာဏ်အရှင်သခင်ဖြစ်လာတာနဲ့ပဲ ငါနဲ့တို့တန်းတူဖြစ်သွားပြီထင်နေတာလား။မင်းက အရူးပဲ" မန်လိ၏အနီရောင်ဆံပင်သည်ငရဲမှတကယ့်နတ်ဆိုးနှင့်တူပြီး သူ၏မျက်လုံးများသည်ကတ္တီပါနီရောင် တောက်ပလာသည်။
"ငရဲမီးတောက်"
သူတို့နှစ် ဦး သည်သူတို့၏နည်းစနစ်များကိုထုတ်လွှင့်ပြီး မတိုက်ခိုက်မီရုတ်တရက်၊ အနီရောင်အင်္ကျီဖြင့် ၀ တ်ထားသောမိန်းကလေးတစ် ဦး သည် သူတို့အနားတွင် သရဲတစ္ဆေတစ်ကောင်ကဲ့သို့ပေါ်ပေါက်လာသည်။ သူမ၏ဆုပ်ကိုင်ထားသည့် လက်ထဲတွင် လက်ဆက်သောသွေးများဖုံးလွှမ်းနေသည့် လည်ဆွဲတစ်ခုရှိနေသည်။
" ငါပိုက်နက်ရဲ့တည်ငြိမ်အေးချမ်းမှုကိုအနှောင့်အယှက်ဖြစ်စေတဲ့အတွက်၊ မင်းတို့ရဲ့ကျင့်ကြံခြင်း အခြေခံဟာဖျက်ဆီးခံရလိမ့်မယ်။ " မိန်းမငယ်လေးက သူ့လက်များကိုဝှေ့ယမ်းလိုက်ပြီး မန်လိနှင့် ကျန်းရွှယ်ကန်းတို့သည်တစ်ခဏအတွင်း သူတို့၏ကျင့်ကြံမှုအခြေခံတစ်ခုလုံး ပြိုလဲသွားသည်ဟုခံစားလိုက်ရသည်။ ၎င်းတို့ကိုထောက်ပံ့ရန်မည်သည့် ကျင့်ကြံမှုမှမရှိသောကြောင့် သူတို့နှစ် ဦး သည် တိုက်ခိုက်မှုများကိုထိန်းချုပ်နိုင်ခြင်းသို့မဟုတ်ပျံသန်းခြင်းမရှိတော့ဘဲမြေကြီးပေါ်သို့ တစ်ဖြောင့်တည်းကျသွားကာ အရိုးအဆစ်များစွာကိုကျိုးပဲ့စေခဲ့သည်။
"မင်းက ဘယ်သူလဲ?!" မန်လိသည်မြေပေါ်တွင်လဲလျောင်းနေရင်း ကျယ်လောင်စွာအော်ဟစ်နေကာသူ၏ခန္ဓာကိုယ်တစ်ဝိုက်တွင်ကြီးမားသောနာကျင်မှုကိုခံစားခဲ့ရသည်။ ၀ိညာဥ်အရှင်သခင်တစ်ယောက်ကို လက်တစ်ဖက်ေ၀ှ့ရုံဖြင့် မသန်မစွမ်းဖြစ်စေရာ သူမ၏နောက်ခံသည်ထိတ်လန့်ဖွယ်ရာဖြစ်လိမ့်သည်။
ကျန်းရွှယ်ကန်း ကတော့သူ့မျက်လုံးကိုပြူးပြီး လေထဲရှိမိန်းကလေးကိုကြည့်နေရုံသာ တက်နိုင်သည်။ သူသည် ဘာမှမစဉ်းစားနိုင်လောက်အောင် အလွန်အမင်းအံ့အားသင့်နေသည်။
"ငါတို့ မင်းကို ဘယ်လိုနှောင့်ယှက်ခဲ့မိလို့လဲ? ငါ့ကိုဖြေပါ!" မန်လိသည် သူမထံမှ အဖြေမရသည့်နောက်တွင်ထပ်မံအော်ဟစ်ခဲ့သည်။ သို့သော်ကောင်မလေးကသူ့ကိုလျစ်လျူရှုပြီးကောင်းကင်ထက်မှ အနီးအနားရှိသစ်ပင်ပေါ်သို့သက်ဆင်းသွားပြီးယွမ်၏သတိမဲ့နေသည့် ခန္ဓာကိုယ်ရှိရာနေရာဆီသို့သွားခဲ့သည်။ မန်လိသည်ယွမ်၏ တည်ရှိမှုကို သတိပြုမိပြီးသူတို့ကို စောင့်ကြည့်နေကြောင်း သူသိသည်။ သို့သော် သူသည် သူတို့ကိုအနှောက်အယှက်ပေးရန် အားနည်းလွန်းသောကြောင့် မန်လိ သည်ပုရွက်ဆိတ်လိုဆက်ဆံပြီး သူ့ကိုလျစ်လျူရှုခဲ့သည်။ ကျန်းရွှယ်ကန်း မှာလည်းအလားတူပင်။ ယွမ် ၏နှုတ်ခမ်းများမှသွေးများကိုသုတ်ပေးရန် ကောင်မလေးသည်ဒူးထောက်လိုက်ပြီး သူမ၏လက်များအနည်းငယ်တုန်ရင်နေသည်။
"သူ့ကိုနာကျင်အောင်လုပ်တာကြောင့်မင်းကိုသေဒဏ်ပေးရမှာပဲ ... " ယွမ်၏နှုတ်ခမ်းများမှသွေးကို သုတ်ပစ်ပြီးနောက် ကလေးမလေးသည် မတ်တပ်ရပ်ပြီး မြေပြင်ပေါ်ရှိပုံရိပ်နှစ်ခုနှင့်မျက်နှာချင်းဆိုင်ရောက်ရှိလာပြီး သတ်ဖြတ်လိုသော ရည်ရွယ်ချက်များမြင့်တက်လာသည်။
"ကောင်းကင်ဖြိုခွင်းဓါးချက် ... " ကမ္ဘာကြီးသည် ရုတ်တရက်တုန်ဟီးလျက် ကောင်းကင်သည် ညအမှောင်ထုသို့လှည့်ပြောင်းသွားသည်။ ကလေးမလေး၏လက်ထဲမှဓားတစ်ချောင်းထွက်လာသည်ကိုတွေ့လိုက်ရသည်။ "ကောင်းကင်ဖြိုခွင်းဓားချက်?! မဖြစ်နိုင်ဘူး! အောက်ဘုံမှာမင်းဘာလုပ်နေလဲ?" ကျန်းရွှယ်ကန်း သည် တွေ့မြင်လိုက်ရသည့်နည်းစနစ်ကိုအသိအမှတ်ပြုခဲ့ပြီး သူ၏စိတ်နှလုံးသည် ထိတ်လန့်ခြင်းကြောင့် ရပ်တန့်လုနီးပါးဖြစ်ခဲ့သည်။ ကောင်မလေးကသူ့မေးခွန်းကို လျစ်လျူရှုပြီးရုတ်တရက် ဓားဖြင့်ခုတ်ချလိုက်သည်။ ထိုအချိန်တွင် ကောင်းကင်သည်နှစ်ခြမ်းကွဲသွားပုံရသည်။ BOOM! ကြီးမားသောငလျင်သည် အရှေ့ဘက်တိုက်ကြီးတစ်ခုလုံးကိုလှုပ်ခါစေခဲ့ပြီး၊ တိုက်ကြီးအတွင်းရှိကျွမ်းကျင်သူများစွာကိုထိတ်လန့်စေခဲ့ပြီးကမ္ဘာတဝှမ်းရှိရှေးဦးပညာရှင်များစွာကိုပင်သတိထားမိစေခဲ့သည်။
-
ယွမ်သည်သူ၏မျက်လုံးများကိုဖြည်းဖြည်းချင်းဖွင့်ကြည့်လိုက်ပြီး သူသတိပြုမိလိုက်သည်မှာမြေကြီးကိုထက်ဝက်ကွဲသွားစေသည့်အလားအဆုံးသတ်ကို မမြင်နိုင်သည့်ကြီးမားသောမြေကြီးအက်ကွဲကြောင်းကြီးဖြစ်သည်။
" ဟိုလူနှစ်ယောက်က ဒါကြီးကို ဖြစ်ပေါ်စေခဲ့တာလား။ ဒါကရယ်စရာကောင်းလိုက်တာ!" ယွမ်၏နောက်ကျောသည် အဆုံးမဲ့ပုံပေါက်နေသည့် အတ်ကြောင်းကြီးကိုမြင်သောအခါ ချွေးအေးစို့လာသည်။ ဤမျှကြီးမားသော ပျက်စီးခြင်းကို ဖြစ်စေရန်လိုအပ်သော စွမ်းအားကိုသူ မခန့်မှန်းနိုင်ပါ။ ဤကမ္ဘာ့အတ်ကြောင်းသည် ကမ္ဘာကြီး၏ပထဝီအနေအထားကို ပြောင်းလဲရန်လုံလောက်သည် ထက်ပိုသည်။ ရုတ်တရက်ယွမ်၏ နှလုံးသည် ခုန်ပေါက်သွားသည်။ သူသည် တဖြည်းဖြည်းခေါင်းကိုလှည့်ကြည့်လိုက်သည်။ဒီခဏလေးတွင် သူဟာမိန်းကလေးတစ်ယောက်ရဲ့ နူးညံ့သောပေါင်ပေါ်မှာ အိပ်နေမှန်း သိလိုက်ရသည်။ "ရှောင်ဟွာ!" သူ့အနားမှာထိုင်နေတဲ့ သူမကိုတွေ့လိုက်ရပြီး သူ့ကိုသူမရဲ့ပေါင်ပေါ်မှာအိပ်ခွင့်ပေးထားတာကြောင့် သူအံ့အားသင့်သွားသည်။ "ဘယ်နေရာမှာ နာနေသေးလဲ"
ယွမ်သည် သူမတွင် ထိခိုက်ဒဏ်ရာရမှုမရှိသောကြောင့်စိတ်သက်သာရာရခဲ့သည်။
ရှောင်ဟွာက ရုတ်တရက်သူ့ခေါင်းကိုသူမပေါင်ပေါ်သို့ဆွဲချလိုက်သည်။
" သခင်၊ မင်းသိပ်မလှုပ်ရှားသင့်ဘူး။ မင်းဒဏ်ရာရနေတယ်"
"အို?" ယွမ်သည်အံ့အားသင့်သွားသည်။
"မင်းငါ့ကိုဘာလို့ခေါ်တာလဲ။"
"သခင်။ "
"အခု ငါတို့ဘယ်လိုဂိမ်းမျိုးကစားနေတာလဲ"
"ဒါကဂိမ်းမဟုတ်ဘူး။ ရှောင်ဟွာ ကအစ်ကိုယွမ်ကို သူ့မရဲ့သခင်အဖြစ်လက်ခံခဲ့တယ်။ " သူမသည် သွေးတွေဖုံးနေသော လည်ဆွဲကို လေးနက်စွာ ထုတ်ပြလိုက်သည်။
" ဒါကမင်းငါ့ကိုပေးခဲ့တဲ့ လည်ဆွဲပဲ။ အို…ဒါဆိုမင်းဆိုလိုတာက မင်းကိုကျွန်အဖြစ်ခေါ်ဖို့…ဒီလည်ဆွဲကိုအသုံးပြုရမယ်လို့ဆိုလိုတာလား" သူကသူမ၏စကားများ၏နောက်ကွယ်ရှိအစစ်အမှန်အဓိပ္ပာယ်ကိုနားလည်သဘောပေါက်သွားသည်။
" ရှောင်ဟွာ …မင်း… အိုင်းယား!" သူကကျယ်လောင်စွာသက်ပြင်းချလိုက်သည်။
"ရှောင်ဟွာ ကို လက်မခံဘူးလား" သူမ၏ ပုံစံကဝမ်းနည်းနေသည်။
" ရှောင်ဟွာက လူဆိုးမလေးမို့လို့လား?"
" အဲ့လို မဟုတ်ဘူး။ ငါမင်းကိုတကယ်ပဲ သဘောကျပါတယ်၊ ဒါပေမယ့်မင်းကို အစေခံတစ်ယောက်အနေနဲ့ဆက်ဆံဖို့က နည်းနည်း..၊ မလိုအပ်တဲ့နားလည်မှုလွဲမှားတာတွေ ဖြစ်စေလိမ့်မယ်"
"နားလည်မှုလွဲမှားတာလား။ ရှောင်ဟွာကစိတ်ထဲမထားဘူး။ "
'ဒါပေမယ့်ငါစိတ်ထဲထားတယ်လေ!' ယွမ်သည်သူ၏ စိတ် အတွင်း၌ပြန်လည်ဖြေကြားခဲ့သည်။ ခဏကြာတိတ်ဆိတ်ပြီးနောက် ယွမ်က" အစ်ကိုယွမ်" ဟုပြောလိုက်သည်။
"ဟမ်?" ရှောင်ဟွာက သူမျက်နှာကိုရှုပ်ထွေးသောအမူအရာဖြင့် ကြည့်ခဲ့သည်။ " မင်းကငါ့ကို အစ်ကိုယွမ်လို့သာမန်အတိုင်းခေါ်နေသမျှကာလပတ်လုံးနားလည်မှုလွဲမှားခြင်းရှိမှာမဟုတ်ဘူး။ " သူကသူမ၏ရှင်းပြလိုက်သည်။
"အဲ့ဒါဆိုရင်... " သူမ၏မျက်စိများစတင်တောက်ပလာခဲ့သည်။ "အစ်ကိုယွမ်!" သူမသည် ရုတ်တရက်သူ့ကိုဖက်လိုက်ပြီးမျက်နှာပေါ်၌ ပွင့်ပွင့်လင်းလင်းပြုံးပြလာသည်။
« ရှောင်ဟွာ ကို သင့်ရဲ့အစေခံအဖြစ်လက်ခံလိုက်ပါပြီ။ »
နာမည်: ရှောင်ဟွာ
အဆင့် - နတ်ဘုရား အဆင့်
သခင် - ယွမ်
ကျင့်ကြံခြင်း: တတိယအဆင့်ဝိညာဉ်ဘုရင်အဆင့်
နိုင်ငံသား - ရှေးဦးကောင်းကင်ဘုံ
သွေးမျိုးဆက်: နတ်ဘုရားအဆင့်
ခန္ဓာကိုယ် : ခရမ်းရောင်မြူနှင်းခန္ဓာကိုယ်
-
« ကောင်းကင်ဘုံ၏လျှို့၀ှက်ပညာရပ်» «အဆင့်: နတ်ဘုရားအဆင့်» «ကျွမ်းကျင်ပိုင်နိုင်မှုအဆင့် - ၄ »
« ကောင်းကင်ရဲ့ပထမဆုံးလျှို့ဝှက်အနုပညာ - ကောင်းကင်ကို၀ါးမျိုခြင်း » «အဆင့်: နတ်ဘုရားအဆင့်» «ကျွမ်းကျင်ပိုင်နိုင်မှုအဆင့် - ၅ » - «ကောင်းကင်ဘုံ၏ဒုတိယလျှို့ဝှက်အနုပညာ - ကောင်းကင်ဖြိုခွင်းဓားချက်»
«အဆင့်: နတ်ဘုရားအဆင့်» «ကျွမ်းကျင်ပိုင်နိုင်မှုအဆင့် - ၄ » - «ကောင်းကင်၏တတိယလျှို့ဝှက်အနုပညာ - ကောင်းကင်ဘုံပိုက်နက်» «အဆင့်: နတ်ဘုရားအဆင့်» «ကျွမ်းကျင်မှုအဆင့် - ၂ » -
« ကောင်းကင်၏တတိယအနုပညာ - ကောင်းကင်ဘုံတံဆိပ်ခတ်ခြင်း» «အဆင့်: နတ်ဘုရားအဆင့်» «ကျွမ်းကျင်ပိုင်နိုင်မှုအဆင့် - ၁ »
« ပျံသန်းခြင်း »
«အဆင့် - ကမ္ဘာမြေအဆင့်»
« မြင့်မားသော အာရုံခံနိုင်မှု »
«အဆင့် - ကောင်းကင်အဆင့်»
« ချီပြန်ပြည့်နှုန်း »
«အဆင့် - ကမ္ဘာမြေအဆင့်»
«ခရမ်းရောင်မြူ»
«အဆင့်: နတ်ဘုရားအဆင့်»
«ဂုဏ်ယူပါတယ်! ကစားသမားယွမ်သည် ကမ္ဘာ့ပထမဆုံး နတ်ဘုရားအဆင့် အစေခံကျွန်ကိုရရှိခဲ့သည်။ »
ဤကြေငြာချက်ကို ကောင်းကင်ပေါ်တွင်ကြေငြာလိုက်သောအခါ ကမ္ဘာပေါ်တွင် မရေမတွက်နိုင်အောင်များပြားလှသည့် အံအားသင့်နေသော စကားသံများထွက်ပေါ်လာခဲ့ပြီး တစ်ဆက်တည်းမှာပင် ကစားသမားယွမ်ဟာလိမ်လည်ကစားသူ(cheater)အဖြစ် ကောလဟာလများ မြန်မြန်ဆန်ဆန် ပျံ့နှံ့လာခဲ့သည်။