CHALO CAMPING PAR

College mein hum sabko subha 6:00 bje aane ko kaha gaya tha. chunke raat ko mujhe nind nahi aarahi thi is liye mein college 5 minutes pehle hi pahunch gaya tha. jab mein college pahuncha toh us waqt waha par koi nahi tha. meri nazrein toh Tara ko dhund rahi thi.

Dekhte dekhte sabhi log aagaye lekin Tara nahi aai. mere man mein khayal aane lage ke 'kahi uske parents ne end waqt par aane se mana toh nahi kar diya... ya fir koi problem ho gayi ho uske ghar mein jiski wJah se wo nahi aaparahi ho' tabhi teachers ne aawaz lagayi.

"Sare bachhe bus mein baith jaen hum 5 minutes mein nikalne wale hai. ladko aap is bus mein aaiye aur ladkiya aap sab mam ke sath jaiye"

"ok sir" sabhi logoun ne ek sath kaha.

Hum sab jaane wale the aur ab tak Tara nahi aai thi. main itni khushi khushi aaya tha aur ab kyaa... Tara hi nahi aarahi hai. itne mein meri nazar bus ki window par padi aur maine dekhe ke Tara bhagte bhagte aarahi hai. yeh dekh kar main apni chair se khada ho gaya. tabhi mere dost ne mujhe khunch kar baitha liya. tabhi maine dekha ke sir se baat karbe ke baad Tara aur uski dost Sara dono humari bus mein chad gayi aur Tara bilkul mere samne wali row mein mere samne hi baith gayi.

Maine fir kaano mein headphones laga liya lekin maine song on nahi kiya tha. taki mein uski sundar si aawaz sun saku aur use lage ke maine kuch bhi nahi suna.phir wo bhi apne phone mein Game khelne lagi.