The Risen Dead

>Geof's POV<

"Shit," react ko at binaril ko yung zombie pero malakas yung tunog dahil nakalimutan kong ilagay ang silencer.

Tumakbo yung kasama namin papunta sa amin at napansin namin na dumadami ang mga zombies tapos yung iba, nanggagaling pa sa mismong grave nila. Akala ko sa Plants vs. Zombies lang ito mangyayari pero hindi ko akalain na sa totoong zombie apocalypse ngayon, bumabangon din ang mga zombies sa kanilang libingan.

The Risen Dead.

Nilagay namin yung silencer sa baril namin. Kahit last minute namin ito nilagay, at least nakatulong para hindi kami makatawag pa ng ibang zombies. Pinagbabaril namin yung zombies pero pansin namin na kahit head shot ang ginawa namin, hindi sila namamatay. Bakit naman ang lalakas ng mga zombies na nandito sa sementeryo?

Pinagbabaril ko nanaman ang isang ulo ng zombie at sa wakas, nawala yung ulo niya at namatay siya. Nginitian ako ng dalawa kong kasama pero agad nawala ngiti namin no'ng may nakita kaming kakaibang nangyari sa zombie na pinatay ko.

Biglang naging ulo ng centipede ang ulo niya at agad siyang tumayo at mas mabilis pa yung pag galaw niya kaysa sa dati. Natakot kami kaya naisipan na lang naming tumakas.

"Takbo," sigaw ko pero no'ng pagkalingon naming tatlo, nagulat kami sa mga zombies na nasa harapan namin at kinagat yung isa naming kasama. Mas natakot kaming dalawa kaya iniwan na lang namin yung kasama namin at tumakbo kami paalis.

"Sana hindi na lang tayo pumunta rito," sabi ng isa naming kasama at bigla siyang nadapa.

Tumigil ako para tulungan siya pero may lumabas na kamay sa isang grave at agad niyang hinila yung kasama ko. Sumigaw siya at dahil sa mga nangyayari ngayon, hindi ko alam kung tutulungan ko ba sila…

O iiwan.

Tumayo ako kaagad at ang unang lumabas sa utak ko ay tumakas na lang ako at iwan sila. Wala akong magagawa. Kahit gusto ko silang tulungan, hindi ko mapapatay ang mga zombies na nandito dahil mag isa lang ako. Kahit naman may kasama ako, hindi namin sila mapapatay dahil sa lakas nila. Kakaiba itong mga zombies na nandito.

Wala akong choice kaya tumakbo na lang ako, pabalik sa lugar namin. Wala akong magagawa. Nangyari na ang hindi dapat mangyari. Namatay ang dalawa kong kasama.

At ako'y nagsisi na pumunta pa kami rito.