Covid 19

SPOKEN POETRY

Isang masamang panaginip ang dumating

Covid19, Covid19, Covid19!

Sa simula pa lamang kinatakutan ka na

Namatayan ang iba ng mahal na pamilya

Sa China, Pilipinas , Europa at Amerika

Kalaban ng Mundo ay dumating na...

Isang sigalot at kakaibang giyera

Hayan na ang kalaban di mo pa nakikita.

Kaya bukas o makalawa...

Kung di ka makakaligtas ay patay ka na.

Kaya mahal Kong kaibigan

Stay at home ka lamang

Ito ang tunay na kailangan

Nating mga mamamayan.

Makinig sa kinauukulan

Police, sundalo at mga lider ng pamahalaan.

Huwag kalabanin at huwag puro daing

Sumunod na lamang para sa iyo rin

Kaligtasan mo kanilang hiling

Maging maayos at mundoy gumaling

Ikaw , oo ikaw!

Na nakakarinig ng aking salitang uhaw

Wag ka sanang sa landas ay maligaw

Wag manamantala sa krisis na gumagalaw

Tumulong ka kahit sa bahay ka tumanaw

Dalangin namin huwag bumitaw

Frontliners kailangang tunay...

Pasasalamat ay mangibabaw

Kayo ang dakila, bayaning di maligaw.

Huwag na nating bigyan ng ibang kaanyuan

Politika ng bansa away ay iwanan

Tulungan ang ating mga kababayan

Lalo na ang mga hikaos tigib ng kahirapan

Kayo lang sa ganitong dagok ang maasahan

Ibigay sa kanila ang karapatan

Karapatan  na mabuhay magpakailanman

Karapatang mailigtas sa delubyong Iyan

Karapatag maging maayos ang kabuhayan

Kaya mga kaibigan

Dasal ng lahat ang kailangan

Alam ng Diyos ang ating pinagdadaanan

Kaya ibibigay Aniya ating kaligtasan

Mundo ay babasbasan ng kapangyarihan

Maging ligtas sa kapahamakan

Magkaroon ng tunay na kalulwalhatian

Wala ng mapapahamak sa kamatayan

Gagaling sa Covid19 na karamdaman

Bastat huwag lamang siyang kalimutan

Isapuso natin kanyang banal na kasulatan

Ililigtas ka niya sa krisis na kalaban.