DEEPWORLD

BOOM!! Isang malakas na pagsabog ang gumising sa mahimbing na pagkakatulog ng mga residente ng bayan Asingan. 

"Ano ba naman yan. Si Brenda na naman yan. Palagi nalang." Reklamo ng isang residente habang pinipigilan ang sarili. 

Si Brenda ay isang college student. Napakamasiyahin n'ya pero masyado siyang pasaway. May hanggang dibdib na kulay brown na buhok, medyo singkit at may dark brown na iris ang kanyang mga mata. Nasa 5'5 ang taas at sakto lang ang pangangatawan. May matangos na ilong at maliit na labi. 

"BREEEENNNNNDDDAAAAA!!! " Umalingawngaw ang sigaw ng kanyang mama sa buong bayan.

Ilang minuto ang makalipas dumating ang kapitan ng lugar at nagtanong kung ano ang nangyayari.

"Ano nanaman to Brenda?!" Ika ni Kapitan Julio habang nakatingin sa kanya.

"Aahh. Eh. " Eto lamang ang naisagot n'ya habang hawak ang isang keyboard ng computer.

Tinignan lang s'ya ni kapitan na hindi na nagtataka sa itsura ni Brenda ngayon na may sunog na damit madungis na mukha at basag na salamin. (Malabo ang mga mata ni Brenda kaya s'ya nagsasalamin.)

"Meron po kasi akong nakitang game sa internet at sinubukan kong i-install pero hindi kaya ng pc ko ang graphics. Kaya naman nagcostumize po ako ng saril8 kong pc. Sinubukan kong maglagay ng mas mataas na ddr pero mabilis uminit ang motherboard kaya naman nagimprovised po ako ng liquid coolant para sa pc pero …." Hindi pa natatapos ni Brenda ang sinasabi n'ya ay tinapos na ito ni kapitan. 

"Tama na! Alam ko na ang nangyari. Sa susunod na maulit to bibugyan kana namin ng subpoena galing sa barangay." At napabuntong hininga na lamang si kapitan at umalis sa lugar. 

"Pasensya na po kayo kapitan. Hindi na po mauulit ito." Ika ni Brenda kay kapitan. 

"Haaayyy. Hindi na talaga dahil ibebenta ko na lahat ng mga basura mo sa kwarto mo." Pagsabat ng kanyang mama na galit na galit din sa nangyari.

"Maaaaaa!!!!??" Pagkadismaya ni Brenda.

"Mabuti pa nga at nang hindi na maistorbo mga tao dito, tsaka para na din sa kaligtasan nya. Mamaya magkasunog pa dito sa'tin." Pagsang-ayon ni kapitan sa mama ni Brenda.

"Kapitaaaaannn!!!??" Nanlumo na lamang si Brenda.

"Oh s'ya. Alis na kami, ikaw na bahala sa anak mo. Tawagan mo nalang kami sa barangay pag may nangyari ulit." Pagmamalasakit ni kapitan.

"Oo kapitan." Pagsagot ng mama ni Brenda.

Hindi na naka-imik si Brenda sa kanyang mama at pinapunta na lamang s'ya sa kanyang kwarto para matulog. 

"Matulog ka na! Bukas mo na linisin yan." Utos ng mama ni Brenda.

"Opo!" Sagot n'ya ng may dabog.

Pagkasara ni Brenda sa kwarto ay may biglang nagliwanag sa tambak ng mga kalat sa isang sulok ng kwarto nya. 

Nilapitan n'ya ito at napansing ang monitor ng computer n'ya ang nagliliwanag.

"Aba! Gumagana pa. Ano to?!" Nagtatakang tanong n'ya sa sarili. 

"D d d d dee.. deep… wwo wo.. woorld? Deepworld?" Pagtataka n'ya habang binabasa ang naproject sa monitor.

Hindi niya mabasa ng malinaw ang mga nakalagay sa screen. 

Bigla nalang din nagfunction ang keyboard na hawak n'ya.

Nagulat siya at kinuha ang luma n'yang salamin sa drawer niya at tinignang muli ang mga nakasulat sa screen.

"Deepworld installed. Would you like to play?" Mga katagang nakasulat sa screen ng computer n'ya. 

Hindi na siya nagdalawang isip at pinindot ang play.

Biglang nagcrash ang game pagkapindot niya sa play. 

"Ay bulok talaga, kailangan ko nang magtrabaho para makabili ng predator." Sa inis nya ay napalo n'ya ng malakas ang monitor at naging blackscreen ito ng dalawang segundo. 

"Anong nangyari?!" Pagtataka ni Brenda.

Sinubukan n'yang buksan ulit ang game at pinindot ang icon ng game, ngunit imbes na ang icon ng game ay cheat engine ang napindot n'ya. Pinindot n'ya ang minimize icon ng cheat engine at pinindot ang icon ng Deepworld. Nagbukas ito at pumunta sa "Create Avatar" section.

"Oohhh! Interesting!!" Na-excite s'ya at finill-up'an ang mga requirements. 

"Are you a boy or a girl?" Computer

"Syempre girl!" Brenda *click

"Select your avatar type." Computer

"Mage ako, mage." Brenda *click

Biglang nag-glitch ang computer at namatay. Kinalampag n'ya ang screen at biglang tumulo ang coolant na nilagay n'ya sa computer n'ya at nakuryente s'ya. Sa pagkabigla ay nawalan siya ng malay. 

"Zzzzt zzzt zzzttt!! Hello Brenda! Welcome to Deepworld. Since you are a mage we are giving you magic. MAGE type aquiring 25%, 57%, 97%, DONE. CREATOR SKILL AQUIRED. MANA ICON AQUIRED. HEALTH ICON AQUIRED. REACHING SHRINE TEMPLE IN 5,4,3,2, ….."

"Hugh!? Anong nangyari? Nasan ako?" Pagtataka ni Brenda sa bagong mundo na nakikita n'ya.

Pagkamulat niya sa kanyang mga mata isang karwahe ang papalapit sa kanya.

"Hugh? Manok? Anlaking manok, ansarap sigurong gawing adobo yan." Pag-papantasya n'ya. Iniisip niya na siya ay nananaginip lamang. 

"TABIIII.. TABIIII.. TABIII.. " Sigaw ng isang lalaki.

"Hugh?!!! Huuuuggggghhhhh!!!??? Aaaaaaahhhhhh!!!!" Nagising siya sa sigaw ng lalaki at tumalon siya sa pagkabigla. 

Nabigla din ang lahat ng makita siyang tumalon na halos 500 metro ang taas. 

Namangha siya sa kanyang nakita, halos abot niya na ang ulap at tanaw niya ang buong cuidad ng Histeria, mga malalaking gusaling gawa sa bato at marmol. Mapapansin mong busy ang mga tao. May mga nilalang din na hindi pa niya nakikita. Mga nagsasalita at naglalakad na hayop na parang tao ang pustura. Mga lalaking nakasuot ng mga armor at may mga nakasukbit na espada sa kanilang beywang. Pero higit siyang namangha sa isang malaking nilalang na lilumilipad, may mga kaliskis, kulay pula at papalapit sa kanya. Nawala soya sa kanyang pagkatulala ng makitang ang nilalang na papalapit sa kanya ay isang dragon na gusto siyang kainin. 

Sa hindi inaasahan ay inilapat niya ang kanyang kamay nakaharap sa dragon at inisip ang pwedeng makakatalo sa dragon. Biglang may kulay asul na liwanag ay lumabas sa kanyang kamay at naghugis bilog. Sa bilog ay lumabas ang isang napakalaking Metal Spear at biglang bumulusok na agad na tumusok sa bunganga ng dragon diretso sa puso nito. Nagulat na lamang siya sa nangyari. Napalitan ng pagkamangha ang takot niya. 

"Skill aquired! DESTROYER" Isang mekanismong boses ang kanyang narinig. 

"Huh?! Ano daw?" Pagtataka niya sa kanyang narinig. 

Ngunit sa isang iglap ang pagtataka niya ay napalitan ulit ng takot, nang makita niyang nasa ere siya at bumabagsak. 

"Eh?! Eeehhh! Aaaaaaaaaaaaaaaaajhhhhhhhh!!!!!" Napasigaw na lamang siya sa takot. Sa gitna ng takot at pagtataka ay sa loob niya ay may konting saya dahil sa bagong mga pangyayari na nakita niya. 

Sa isang saglit ay napangiti siya. Ngunit, heto parin siya nahuhulog mula sa ere. 

"Anooooooooo ttttooooooooooooo???!!!!!" Napasigaw na lamang siya at nawalan ulit ng malay.