Be Good Or Else...

Kinabukasan, ang lahat ay maagang nagising. Nasa kusina na si Fely at naghahanda ng kanilang agahan sa tulong ng dalawang pansamantalang katulong. Maganda at masaya ang kanyang pakiramdam ngayon na nakauwi na sila. Hindi na siya makapaghintay na ihanda ang pinakamasarap na Pilipinong agahan para sa lahat.

Ang amoy ng kanyang pagluluto ay kumalat sa buong kusina. Nang dumating si Ashley upang kumuha ng pang-araw-araw na dosis ng kape, amoy na Amoy nya ito at biglang kumalam ang kanyang sikmura.

"Mother dear, ang bango' naman ng niluluto mo, naglalaway tuloy ako." Aniya ni Ashley habang nakayakap sa likuran ng ina at tinitingnan kung ano ang niluluto ni Fely.