Chapter 68

Sa bandang huli ay minabuti na lang ni Ashley na manahimik at nagpatuloy sa paglalakad. Hindi namalayan ng lahat ay nasa entrance na pala sila ng casino.

Excited ang lahat na papasok sa loob ng casino, panay ang biruan nang magkakapatid habang nag-aantay sila ng kanilang turn papasok. Selfie dito...- Selfie doon... Para tuloy silang mga promdi, kaya naman napansin tuloy sila ng casino host na nakatayo sa may entrance.

Umalis ang casino host na nakabantay sa mga pumapasok at kinausap ang isang security guard.

Maya-maya pa ay sila na ang kasunod... Unang pumasok ay si mang Jessie at aling Fely nag check lang ng bag ang security at pinapasok na ang mag-asawa.

Habang papasok ang mag-asawa, sila ay binati ng casino host. "Welcome po!" Sabi ng casino host habang dumadaan ang mag-asawa.

Ngumiting parang timid si aling Fely, sabay nagpasalamat. "Thank you!"