Mahal kita, mahal kita (4)

Ang sunod na agenda ay ang interaksyon ng host at ng direktor. Nagtanong ang host ng ilang mga katanungan patungkol sa 'Alluring Times'. Dahil sanay na ang direktor sa mga ganung klaseng conference, walang kahirap hirap niyang nasagot ang mga tanong. Binigyang diin niya ang mga pinakaimportanteng punto ng tv series at nagpasaring din ito ng ilang nakaka sabik na eksena para magkaroon ng suspense.

Kinausap din ng host ang mga cast para tanungin rin ang mga ito ng tungkol sa 'Alluring Times', gaya ng mga tanong kung sino ang gagampanan nila sa tv series, ano ang mga magiging personalidad nila rito, sino ang mga magiging katambal nila at ano ang masasabi nila tungkol sa kanya-kanya nilang mga karakter.

Ang lahat ng artistang dumalo ngayong araw, bukod kay Qiao Anhao, ay nakapagfilm na rin ng iba pang mga pelikula noon kaya natural at kalmado lang ang mga itong sumasagot sa host na para bang nakikipagkwentuhan lang sa isang kaibigan.

Medyo kinakabahan si Qiao Anhao pero nasabihan naman na siya bago magumpisa ang conference kung paano niya sasagutin ang mga magiging tanong sakanya para hindi siya magkamali.

-

Natapos ang conference ng alas sais impunto. Matapos pumirma ng mga artista sa sa poster ng 'Alluring Times' at magpose para sa ilang litrato ng media, ang dalawang bidang magkapareha na sina Song Xiangsi at Cheng Yang, Lu Jinnian at Qiao Anhao ay dinala muna sa magkaibang kwarto para sa hiwalay na interview. Samantalang ang direktor at ibang mga artista ay naiwan sa conference para sagutin ang mga tanong ng ibang media outlets na hindi nagkaroon ng oportunidad na ma'interview ang mga bida.

Sa penthouse suite ng hotel ang interview nina Qiao Anhao at Lu Jinnian pero noong sadaling makarating sila doon, wala pa ang interviewer na makikipagpanayam sakanila.

Makikita sa kwarto ang tatlong upuan na may European design, isang bilog na lamesa na gawa sa salamin at ang poster ng 'Alluring Times' na may litrato nina Lu Jinnian ay Qiao Anhao. Mayroon ding mga prutas, bote ng red wine, at tatlong bote ng mineral water na nakapatong sa lamesa.

Hinatid sina Lu Jinnian at Qiao Anhao ng service staff hanggang sa loob ng suite at hindi rin nakalimutan nito na biniyan muna sila nito ng tatlong matataas na baso ng red wine bago ito umalis. 

Silang dalawa nalang ang naiwan sa loob ng suite. Si Qiao Anhao na halos hindi makagalaw kanina habang pinipilit na magmukhang natural ay kumalma na rin sa wakas. Parang nanlambot ang kanyang mga buto kaya bigla siyang napaupo siya sa sofa at dahil medyo nakatabingi ang posisyon ng kanyang ulo habang nakasandal, muli niyang nakita ang iniregalo niyang tie clip na nasa dibdib ni Lu Jinnian.

Nakatayo si Lu Jinnian sa isang malapit na floor-to-ceiling window. Sakto sa dibdib nito ang mala-kulay kahel na sinag na mula sa lumulubog na araw kaya kumikinang ang maliliit na dyamante na nasa tie clip nito.

Matagal ng nakatitig si Qiao Anhao sa tie clip nang sa mapansin niyang nakatingin din sakanya si Lu Jinnian kaya agad niyang ibinaling sa iba ang direksyon ng kanyang mga mata. Dahil sa sinag na nanggaling sa lumulubog na araw, parang nabalutan ng ginto ang buong katawan ni Lu Jinnian kaya nagmukha itong dakila. Sadlit lang na nagkabunguan ang kanilang mga tingin, pero naramdaman na kaagad ni Qiao Anhao na biglang bumilis ang tibok ng kanyang puso kaya dali-dali siyang yumuko para iwasan ang titig nito. 

Nabalot ng katahimikan ang buong suite. Nakayuko lang si Qiao Anhao ng ilang sandali habang pinagmamasdan ang kanyang bagong linis na mga kuko pero may biglang may pumasok sa isip niya kaya muli niyang iniangat ang kayang ulo para tignan si Lu Jinnian at magtanong, "Magaling na ba ang mga sugat mo?"

Masyado silang naging abala sa set nitong mga nakalipas na araw kaya wala rin sila masyadong pagkakataon na makapagusap o kahit man lang makamusta niya ito.

"Yeah." Nakatingin pa rin si Lu Jinnian kay Qiao Anhao. Kahit kalmado at wala masyadong emosyon ang naging pagsagot ni Lu Jinnian, kitang kita naman sa mga mata nito na di hamak na mas naging malambing na ito ngayon.