Attacked by PDA

Chapter 1259: Inatake Ng PDA

Dahil sa malaking anunsyo ni Lu Jingli, mas lalo nabuhay ang buong pagdiriwang. 

Kahit alam ng lahat na si Su Yimo ang magiging kapareha ni CEO Lu, hindi pa rin napigilan ng mga babae na umasa. Paano kung mabunot nga talaga sila? 

Sa isang sulok, abalang may tinatawagan ang manager ni Jiang Muye. "My prince, nandito ang CEO at padating na rin si CEO Lu. Bakit wala ka pa dito?" 

Sa kabilang linya, inis na inis ang boses ni Jiang Muye. "Sinong nagsabing dadating ako?" 

Napupuno na si Lei Ming sa kanya. "Malaking okasyon ito at hindi ka pupunta? Ano bang ginagawa mo? May emergency ka ba?" 

Sumagot si Jiang Muye, "Naglalaro ako ng video games." 

"...Muye, nagmamakaawa ako sa iyo! Kahit magpakita ka lang ng mukha at umalis agad, okay na iyon! Isang oras lang ang mawawala sa game time mo!"