3rd Letter — Mom

Hi Mom,

Can I tell you a secret? 'Cause I can't hide it anymore. Ayaw ko pong magtago sa inyo. Kung mababasa mo man po ito at makikita mo akong nasa kabaong na, sana po ay 'wag kayong magalit sa 'kin. Triny ko naman po eh. Pero mahirap po talaga. Ang sakit.

Ayaw ko rin pong itago sa inyo ang pagtataksil ni Dad. May inuuwi po siyang babae sa bahay. Nahuli ko po siya maraming beses pero sabi niya ay 'wag akong magsusumbong. Tinakot pa nga po niya akong maghihiwalay kayo at ibabalik niyo po ako sa ampunan.

Hindi po ako natakot na ibalik sa ampunan kasi alam ko namang kaya ko na ring mabuhay sa sarili ko. Ang ikinatatakot ko lang ay ang maghiwalay kayo. Masira po kayo dahil sa 'kin. Mamamatay na nga lang ako may nasira pa akong pagsasama pero alam ko pong ito 'yong tamang gawin. Ang sabihin sa 'yo ang totoo.

Ang sakit pong makita kayong nagkakaganyan, sirang-sira. Ayaw ko po kayong maghiwalay. Pero alam ko rin pong ako ang dahilan kung bakit kayo magkasama hanggang ngayon. Pinilit niyo lang po ang mga sarili niyong bumuo ng sarili niyong pamilya.

Ang hiling ko lang po mom ay sana makahanap ka pa ng taong tatanggap sa 'yo, sa buong pagkatao mo. You don't deserve someone like dad. But still, I love him. He still do his best to save our family pero hindi na talaga ito masasalba.

Mom, be happy. One day, you will meet someone who will love and accept you wholeheartedly. I love you, mom.