Isang Mala Diyos na Tao

"Se… Senior?"

"Tinawag ni Liu shi at ng iba pa na senior si Zhang Xuan?"

"Wala pa nga siyang dalawampung taong gulang. Sa kabilang banda, ang tatlong mga master teacher ay nasa animnapu o pitompung taong gulang na. Paanong nangyari 'to…"

"Wala akong ideya, pero… sa nakikita ko, mukhang hindi naman nagbibiro ang tatlong mga master teacher. Posible kayang ganun talaga kahusay si Zhang laoshi?"

Para bang tinamaan sila ng kidlat.

Sunod-sunod ang kanilang pagkagulat. Pakiramdam nilabay hindi na sila makasabay at naabot na ng mga puso nila ang hangganan ng mga ito.

"Se… Senior ba siya ni Liu shi at ng kanyang mga kasama? Posible bang…"

Naningkit ang kanyang mga mata, tila may naisip si Emperador Shen Zhui kaya siya nangilabot.

Dahil nakatira ang tatlong mga master teacher sa palasyo, madalas silang nagkakasama at alam niya ang mga balak nila.