Big Boss You're So Corrupted!

Chapter 965: Big Boss You're So Corrupted!

Sa kabila ng lahat, mukhang kalmado si Ning Xi at ipinapakita ang tunay na good mood niya dahil sa kinang sa mga mata niya.

"Pero, kahit na ga'no ka pa kasaya, kailangan mong matulog, kaya pumasok na tayo." Kinuha ni Lu Tingxiao ang beer na hawak ni Ning Xi.

Nagbukas ang mga braso ni Ning Xi at mapaglarong nagsabi, "Buhatin mo 'ko!"

Sumunod naman si Lu Tingxiao.

Kahit nabuhat na siya ni Lu Tingxiao hanggang kama, ayaw pa rin bumitaw ni Ning Xi. "Samahan mo 'ko!"

Nag-dalawang isip saglit si Lu Tingxiao bago sumunod.

Nahiga nang payapa si Ning Xi sa kama bago niya muling binuksan ang mga mata niya at tinignan ang lalaking katabi niya nang may kinang sa mga mata. "Big Boss, lasing ako!"

"Mmm."

Gumulong si Ning Xi at humiga sa dibdib ng lalaki at kinalabit ito bago nagtanong, "Ito na 'yung golden opportunity oh, 'di mo ba susulitin?"