Encountering One Of A Kind

Chapter 106: Encountering One of a Kind

"Um, sorry po, pero kukunin na po ito ni ma'am," magalang na sagot ng saleslady.

'Yung babaeng kumuha ng outfit din pala ang nakasuot ng Chanel kanina. Pagkarinig nito, pinagtaasan niya ng tingin ang kausap. "Nabayaran na ba niya?"

"Hindi pa po…"

"'Di pa naman pala bayad edi wala pang may-ari. Kukunin ko. Pakibigay agad ng bill!" utos ni Chanel na para bang maliit na bagay.

Pagkatapos magsalita ng matapobreng babae, biglang nawala ang hawak niya dahil kinuha muli ni Ning Xi.

Biglang nagalit si Chanel. "Ano'ng ginagawa mo at inaagaw mo yung damit ko?!"

Mas direkta ang pagsagot ni Ning Xi. "'Di ba sabi mo dahil 'di pa bayad, wala pang may-ari? Ano, ikaw pwedeng mang-agaw, pero 'yung iba hindi?"

"Ikaw…" malapit nang pumutak ang babae pero bigla ring tumigil at tinitigan si Ning Xi dahil sa magkahalong gulat at pagtataka. "Ning Xi… ikaw nga ba si Ning Xi?"