Paghamon sa Big Boss

Chapter 23: Paghamon sa Big Boss

Dahil motorbike ang dala ni Ning Xi, nakasuot siya ng skin-tight black leather top at leather pants. Matapos magmadali papunta, tinanggal niya ang helmet at gloves niya kaya bumagsak sa mga balikat niya na parang waterfall ang mahaba niyang buhok. Mukha siyang magara at kaaya-aya - napakaganda.

Nang makita ito ni Lu Jingli, 'di niya napigilang mapasipol.

"Lu Jingyu, akala mo ba talaga hindi ka makakatikim mula sa'kin?" sa kanto ng sala, nahuli na ni Lu Tingxiao ang anak at wala na itong matatakbuhan pa. Parang isang nababaliw na hayop na gustong kumawala ang bata na nasa mga braso ng ama.

"'Wag!" mabilis na lumapit si Ning Xi at inagaw si Little Treasure palayo.

Inangat ni Little Treasure ang kanyang ulo para makita kung sino ang may hawak sa kanya, saglit itong tumigil at nang makita si Ning Xi ay lalong sumiksik sa yakap nito at kumapit nang mahigpit na parang ayaw na bumitaw.