MFANYE RAFIKI

Alipomwachia mikono, Joselyn akageuka kwa hasira huku akimwangalia Ed "Sitoki Edrian na hiyo picha haitowekwa sehemu yoyote nitaichoma"

Macho ya Ed yaliyokuwa mekundu kwa hasira yalimwangalia Lyn. Akamsogelea

"Kuna namna mbili tu Lyn uondoke kwa ustaarabu au nikuondoe mwenyewe"

Lyn akamkazia macho pasipo na shaka kwa yale aliyosema, "kuondoka mwenyewe sitaweza ila kama unaweza kuniondoa jaribu ni_" kabla ya kumalizia sentensi Lyn hakujua saa ngapi alikuwa begani kwa Ed ambaye hakuzungumza chochote bali akapiga hatua kuelekea mlangoni

"Niweke chini Edrian" Lyn akalalamika huku mikono yake akimpiga ngumi mgongoni. Macho yake yalibaki mezani ilipokuwepo ile picha. Ed akafungua mlango na kumshusha kisha akafunga mlango na ufunguo kwa ndani. Alifanya hivi ili kujiepusha na hisia zilizotaka kumtawala ambazo zingepelekea kumpiga Lyn. Akarudi na kujitupia kwenye kochi huku kelele za Lyn aliyekuwa akigonga mlango afunguliwe zikimfanya asipate utulivu kabisa.

"Edrian nifungulie, nione huyo Anitha amekuchorea nini?" Kitendo cha Ed kutomruhusu Lyn kuigusa picha ile ilimkera lakini si tu kumkera bali alihisi kuna kitu cha siri Ed alikificha na sio picha tu. Bila kusahau baba yake alihitaji kupata ramani ambayo inasemekana baba yake Ed, Simunge Elvis alipata ramani ya maeneo yaliyokuwa na madini. Joselyn aliamini akiipata ramani baba yake na yeye watawekeza kwenye uchimbaji na sio kama sasa walibaki wachuuzi wa madini.

Ed aliyekuwa ofisini akainuka kwa hasira ili kuelekea mlangoni lakini kabla ya kufika mlangoni. Joselyn akaachia kuugonga mlango na sauti ya Li na Coletha zikasikika upande wa pili akajua ndugu zake wameingilia kati. Akshusha pumzi na kurudi pale mezani ili aone ile picha aliyopewa na Aretha.

Akafungua kwa utaratibu lile karatasi la juu akiogopa asije akaharibu kilichokuwa kimechorwa mule ndani. Alipomaliza, macho yake yalikuwa katika mshtuko uliomfanya awe kama mtu aliyepigwa na radi....

"What" akashtuka na kusema baada ya kugundua alikuwa amepotea kifikra kwa kile alichokiona

Picha Aretha aliyoichora ilikuwa ni ile siku ambayo alienda kule kwenye eneo lake la siri kwa mara ya kwanza. Kuanzia gari aliyoitumia siku ile ilikuwa imechorwa vyema na rangi yake ya bluu iliyoelekea kufanana na nyeusi . Mahali aliposimama, mazingira yalikuwa kama yalivyokuwa wakati ule.

Kilichomshangaza zaidi ni hadi nguo alizozivaa zilikuwa ni zile zile na mahali aliposimama palikuwa ni pale pale. Hakika kwa macho ya Ed alikuwa kama ndio kwanza yuko pale. Akamkumbuka baba yake ambaye asubuhi ya siku ile aliongea nae vyemakabla ya kupatwa na umauti mchana wa siku ile. Mkono wake wa kulia ukaipapasa ile picha taratibu

"Aretha you so talented" akanong'ona taratibu

Machozi yakabaki katika kona ya macho yake, mara mlango ukagongwa taratibu, akashtuka na kufuta macho yake. Akaelekea ulipo mlango, alijipanga ikiwa angekuwa Lyn basi asingeendelea na ustaarabu aliomuonesha. Alipofungua mlango, Coletha alikuwa mlangoni

"Big B, uko salama?" Akauliza huku uso wake ukionesha kuwa na wasi wasi.

"Am okay, samahani kwa usumbufu niliowapa" akaongea kwa taratibu

Coletha aliposikia hivi akajua kaka yake alijisikia vibaya kwa yaliyotokea..akaachia tabasamu kumhakikishia kuwa haikuwa kitu kikubwa..

"Brother wala hata hujatusumbua sababu sote tunafahamu Lyn na jazba zake"

"Ameondoka?" Akauliza huku akimuangalia Coletha

"Kaka Li kampeleka, tumemwambia akupe muda utulie mtaongea vizuri."

"Mmmmmm" akaguna Ed

"Aaah tuliona ni vyema asibaki hapa ndio tukamwelezea hivyo Bro naamini hautatukasirikia"

Edrian akajisikia vibaya kwa kuwa matatizo yake yaliwaathiri pia ndugu zake

"Hamna shida baby sisy, haitajirudia tena. Nataka nipumzike huku. Nitakuona asubuhi" Ed akamuashiria mdogo wake kuwa alihitaji kuwa peke yake.

"Oooh sawa kaka. Uwe na usiku mwema" Coletha akaaga na kugeuka kuondoka

"Baby sisy" Ed akamuita, naye akageuka

"Usisahau kumpigia Retha simu na umkaribishe hapa, mfanye rafiki unanielewa eeeeh"

"Aaaah sawa Bro, nashukuru maana hata mimi natamani niende tena kwao" Coletha akaachia tabasamu la furaha kusikia kaka yake akisema hivyo.