Witnessing Your Happiness (5)

Chapter 1684: Makita Kang Masaya (5)

Umiling si Grandpa Su. "Hindi mo kasalanan, hindi ko naman inakalang aatakihin ka sa harap ng publiko. Kasalanan ko 'to dahil hindi ko naisip na posibleng mangyari 'yon, dapat mas marami pa akong tauhan na pinasama sayo. Ayo slang ang dalawang nasugatan na bodyguard, dati silang special forces at sanay na sila sa laban. Isa pa, hindi naman sila tinamaan sa kritikal na parte ng katawan, kaya gagaling rin sila kaagad. Wag ka nang mag-alala… malakas na babae ka. Hindi ka gumamit ng anesthesia, pero hindi ka man lang um-aray."

Nang pumasok si Grandpa Su sa kwarto ni Huo Mian, nakita niya ang doktor ng military na ginagamot ang sugat ni Huo Mian; hindi siya maaaring gamitan ng anesthesia dahil buntis ito, kaya naman mas kumplikado ang panggagamot dito.

Subalit, ni hindi nakita sa mukha ni Huo Mian na nasasaktan ito, hinayaan lang niyang linisin at bendahan ng doktor ang kanyang sugat habang pinipigil ang sakit.