Siya ay Isang Babaeng Hindi mo Kayang Hawakan (5)

Gulat na tumingin sa kanya si Huo Mian, hindi niya sigurado kung ano ang sinusubukan nitong makamit…

"Um..." Nagulat din si Gao Ran.

"Kailangan mo mamili ng tamang oras para umamin sa isang tao at halatang hindi ito yun. Idagdag pa rito, alam mo naman na ang gusto ni Qin Chu ay si Huo Mian kaya bakit mo pa pinagsisiksikan ang sarili mo? Nakakaloka," panghahamak ni Zhu Lingling.

"Hindi naman mali ang magmahal ng isang tao kaya bakit hindi ko pwedeng sabihin ang nararamdaman ko?"

Medyo naiilang, tumingin si Huo Mian kay Qin Chu…

"Busog ka na?" Marahang tanong ni Qin Chu.

Tumango si Huo Mian…

Dinampot ni Qin Chu ang tisyu at sa harap ng lahat, marahan niyang pinunasan ang dulo ng mga labi ni Huo Mian.

Pagkatapos, hinawakan niya ang kamay nito at sinabing, "Tara."

Hinila palabas ni Qin Chu si Huo Mian; halatang ayaw niyang andito si Liu Siying na biglang pumunta ng walang imbitasyon.