Tokwa

"Yan din ang naisip ko, pero ang pinakaunang disenyo ay sobrang konserbatibo. Sa kasalukuyang pagkakakilala sa GK, pagtatawanan kami ng merkado kapag ang mga bagong disenyo namin ay hindi ganun kamalikhain. Syempre, importante pa rin ang kita sa isang kumpanya, pero importante rin ang reputasyon. Kaya plano ko na gawing pangunahing produkto ang pangatlo. Katulad nga ng sinabi mo, magiging limited edition ang pangalawa, habang ang pinakauna naman ay magiging hindi masyado mahal na alahas at gagamitin natin ito bilang paghatak sa madla."

Tumango si Huo Mian bilang pagsang-ayon, katulad nga ng inaasahan, tama lagi si Qin Chu.

"Bigla tuloy akong nagutom ngayon, at gusto ko kumain ng isang bagay," tumingin si Qin Chu kay Huo Mian at gumalaw ang kanyang mga kamay sa kanyang bewang.

"Kung gutom ka, hindi sapat ang tokwa para busugin ka," itinulak ni Huo Mian ang kanyang kamay at nakangiti itong sumagot.