Paano Hindi Niya Ito Pakamamahalin?

"Mula ngayon, kung hindi ako nagsabi sa iyo ng tungkol sa meeting, kung gayon huwag kang pumunta," wika ni Mo Ting sa sandaling sumakay siya ng sasakyan.

"Huwag kang mag - alala, ngayon lamang ito," masunuring tumango si Tangning. Dahil binigyan diin ni Mo Ting ang babalang ito, maaaring mayroong isang tiyak na panganib na nag – aabang sa pagkikita na iyon. Kaya tinandaan niya ito upang hindi na siya makadagdag pa sa alalahanin ni Mo Ting. "Anong sinabi ni Chairman Zhou?"

"Ititigil na niya ang kanyang pagpaplano at hahayaang ang pelikula ang lumaban sa kanilang sariling kakayanan," sagot ni Mo Ting habang niluluwagan ang kanyang kurbata. "Sa araw ng opisyal na pagpapalabas, inaasahan ko na ang distribution rate na 30%. Sa ikalawang araw ay maaaring bumababa pa ito sa 10%."

"Papayagan mo iyong mangyari?"