Secret Exchange Castle

Ang God Eye Assembly ay ginanap sa isang malayang dimensyon.

Sa itaas ng kanilang ulo ay mayroong mga ginintuang poste ng bubong na mayroong mga magagarang kristal at mga diyamanteng iba-iba ang kulay. Ang mga nakapalibot na pader ay gawa sa kakaibang mga gusali na iba-iba ang laki. Ang mga tagabantay na may matataas na cultivation ay nakatayo sa labas ng malalaking gusali, at ang tunog ng pista ay minsang maririnig sa loob.

Ang mga natitirang rehiyon sa lugar na ito ay ginagapangan ng mga kagubatan, kabundukan, at mga kailugan. Ang ganitong klaseng senaryo ay para bang isang lupa ng mga diwata.

Whoosh! Whoosh! Whoosh!

Lahat ng mga eksperto ng kahit anong uri at kulay ay sumuyod sa malaki at walang hanggang palasyo, ang iilan sa kanila ay lumilipad na sakay ng isang malaking ibon gamit ang mga espesyal na gamit.

"Ito ang lugar ng God Eye Assembly?" Hindi mapigilan ng mga disipulo ng Life Sacred Land na mapabuntong hininga sa ganda nito.