Wanted To Be Someone Like That

Chapter 1147: Gusto Kong Maging Tulad Niya

Sa sidewalk, hindi mapakali si Zhuang Keer sa labas ng kotse. Gumaan lang ang loob niya nang makita niyang lumabas si Ning Xi. Agad siyang lumapit dito at sinabi, "Xiao Xi!"

"Tara na!" Binuksan ni Ning Xi ang pintuan ng kotse at agad inalalayan si Zhuang Keer para sumakay.

Tahimik lang si Zhuang Rongguang sa likod ng kotse.

Binalot ni Zhuang Keer ang sarili niya gamit ang windbreaker ni Ning Xi at nag-aalalang sinabi, "Kung umuwi ako nang ganito at may makasalubong akong katulong, mahirap ipaliwanag…"

"Punta muna tayo sa bahay ko."

"Mmm." Tumango si Zhuang Keer, at napuno ang mga mata niya ng luha nang makita niyang nagmamaneho ang babae. "Xiao Xi, pasensya talaga. Sobrang desperado ko, nagtext ako nang hindi nag-iisip, tapos nag-alala ako na baka mapahamak ka rin. Kasalanan ko 'to… pasensya na…"