The First Move

Love at first sight! Tinamaan agad ako ni kupido, unang beses ko palang siyang nakita.

Kaso, suplado. Ang hirap magpapansin. No girlfriend, since birth. Mailap sa babae.

Pero paano kaya kung ako na lang ang gumawa ng unang hakbang para mapansin niya? At ako na rin ang manligaw? Well, wala naman sigurong masama doon?

Ang sabi kasi ng lola ko, kung mahal mo dapat gumawa ka ng paraan para mapasaiyo ang puso niya. Huwag daw dapat iasa sa tadhana ang mga bagay bagay. When it comes to love, you must learn how to take a risk.

Kaya heto ako, handa nang magtapat sa iniirog ko.

"Mikael Romualdez, I like you! Mag-date tayo."

Lakas loob kong sigaw nang maharang ko siya. Hindi ko na pinansin kung pagtinginan pa ako ng mga estudyanteng dumadaan sa hallway. Ganito talaga kapag pumapag-ibig. Walang hiya-hiya. Ang mahalaga, masabi ko rin sa kanya ang totoong nararamdaman ko.

Aba! Dapat ma-flatter siya. Simula first year college pa lang kami, deads na deads na ako sa kanya.

Napatingin ako sa gwapong mukha niya. Halos lumuwa ang mata niya sa labis na pagkagulat. Bahagya ring umawang ang bibig niya. Para nga rin siyang naestatwa sa kinatatayuan niya. Hindi siya gumagalaw.

Napangiti na lang ako sa reaksyon niya, siguro kinilig 'to.

Ilang sandali pa, nahimasmasan na rin siya. Napabuntong-hininga siya ng malalim sabay himas sa kaliwang sentido niya. At nang tapunan niya ako ng tingin, para na akong mahihimatay dahil sa nakakatunaw na titig niya. So I stared back at him, kulang na lang magheart shape na ang mga mata ko habang nakatitig lang sa kanya at hinihintay ang isasagot niya.

"I'm sorry, Miss. Wala akong panahon sa ganyang bagay," walang emosyong saad niya saka ako nilampasan.

At para akong pinagbagksan ng langit at lupa ng mga sandaling 'yon.

Wait! Did he just reject me?! Ako, si Janice Marquez, the Campus Queen! Nilayasan niya lang? How dare him?!

Sa sobrang inis ko, dali-dali kong hinubad ang sapatos ko at ibinato sa direksyon ni Mikael. Tumama sa likod niya ang sapatos ko, dahilan para saglit na tumigil siya sa paglalakad. Akala ko lilingunin niya akong muli, pero sinipa niya lang ang sapatos ko palayo.

Ugh! I hate you, but I love you!

Akala niya ba, susuko na lang ako sa kanya ng ganun ganun na lang? Pwes! Nagkakamali siya.

I will make him fall for me, by hook or by crook!