DOSTI

Usne mujhe muskurate hue paise nikal kar dediye aur kuch sabji lane ko kaha. Main paise lekar bahar chala gaya.

Maine aur sabjiya zayada leli taki Tara ko kal tak kaam aajae aur saman lekar Tara ke ghar pahuncha.

Maine bell bajai, kuch der mein Tara aai aur usne darwaaza khola. kholte hi usne aadhi theliya mere hath se leli. Usne aur maine saara saman kitchen mein lejakar rakh diya.

Tara ne mujhse pucha "Ye sabjiya kuch zayada nahi lagrahi hain? maine toh shayad itne nahi mangwae the"

"Ha wo sabjiya sasti mil rahi thi toh maine zyada leli" maine uske saare paise nikal ke use dediye. saari sabjiya maine apne paise se kharid li ab Tara ke liye itna toh kar hi sakta hu. Usne paise dekh ke pucha "Arey, itni sabjiya lane ke baad bhi paise bach gaye?"

Paise ginne ke baad usne meri taraf ghurte hue kaha " Ye toh pure utne hi paise hai jitne maine tumhe diye the sabjiyoun ke liye, iska matlab tum ye apne paiso se lekar aae ho?"

maine haste hue kaha "Ha ..:-)"

Lekin usne zabardasti paise mere hath mein dobara rakh diye aur foran kitchen mein chali gayi. aur jate hue kaha "Baith kar TV dekho main bass abhi khana bana kar laati hu"

Main sofe par baith kar TV dekhne laga, kitchen se masaloun ki khushbu aane lagi thi. fir pata nahi kab Tara ke baare mein sochte sochte meri aankh lag gayi.

Jab meri aankh khuli toh dekha Tara meri taraf muskurate hue dekh rahi hai. mujhe uthta dekh usne haste hue kaha "C..Chalo Khana ban gaya hai" maine Tara ki taraf muskurate hue dekha aur uth kar hath muh dhone chala gaya.

Tara ne mere liye khana nikala aur khud side mein khadi ho gayi. toh maine usse kaha "Arey aap kyun nahi kha rahi hein? aap bhi khaiye, specially main aapke liye toh main itna dur jakar aaya hu, aur aap hi nahi kha rahi hein!"

"Tum khalo pehle fir main baad mein kha lungi, tumko zyada bhook lagi hog" usne kaha. "Lekin agar aap nahi khaengi toh fir jaiye main bhi nahi khaunga" maine usse kaha. toh Tara foran aakar baith gayi.

Maine jaldi se uske plate mein bhi kaha nikal diya, usne rokte hue kaha "Arey tum bhi na, main nikal leti tumhe itni mehnat karne ki zarurat nahi thi"

"Ab ek dost dusre dost ke liye itna toh kar hi sakta hai na" Maine usse muskurate hue kaha.