Bagian ka 32

Shinta dan dia pe anak-anak akhirnya kase ijin pa Arthur for tinggal dirumah Shinta

Setelah sekian lama ta pisah pada akhirnya dorang bisa ba kumpul lagi. Walau harus dengan kondisi kayak gini

"pabea samua"

"pabea papa" jawab Bela dan Ade sama-sama

"pabea juga" balas Shinta

"papa manjo duduk deng torang"

Arthur tersenyum lalu kase bolengkar Ade pe rambu

"papa jang kase bolengkar Ade pe rambu, Ade stenga mati mo ator"

"Ade dapa lia gaga kok kalo Ade pe rambu ta bolengkar model bagitu"

"butul papa"

"Ade, ngana pe papa cuma baku sedu mari mama kase ator ulang Ade pe rambu"

Shinta lalu ambe sisir deng cermin lalu kase rapi Ade pe rambut yang brantakan

"Bela gimana ngana pe sekolah?"

"bae-bae aja"

Bela ambe gelas yang ada isi air dan minum

"apa ngana so punya paitua?"

"uhuk, uhuk"

Bella kokehe dia pe minuman sandiri

"apa ngana nyanda apa-apa?"

Bela ambe tissue dan lap dia pe muka sampe bersih

"kita nyanda"

"hari ini kita yang mo antar pa ngoni ka sekolah, ngoni maukan"

"nyanda, makasi kita deng Ade bisa nae bis ka sekolah"

"yah cici kapan lagi papa mo anter pa Ade ka sekolah"

"Ade jang ba donci, mama stengah mati ator Ade pe rambu kalo Ade model bagini"

Setelah smokol Arthur antar Bela dan Ade ka sekolah. Bela mau juga diantar sama dia pe papa

setelah dia dirayu oleh papa dan Ade sedang Shinta agak siangan baru brangkat karja. Sampe disekolah Bela beriringan dengan Adit

"Hey Adit apa kabar"

Adit nyanda ba skeit dia nda jawab Bela pe sapaan. Nyanda biasanya Adit kayak gini.

"Adit mungkin lagi bad mood kali"

Bagitu juga saat dikantin waktu Bela duduk

disebelah Adit. Adit langsung ba diri kong bayar tu makanan ka Bu Kartini pemilik kantin sekolah dan pigi kase tinggal akang pa Bela dan Sonia

"Sonia giapa deng Adit"

"nintau ley, mungkin dia lagi mens kali"

"emangnya Adit cewek" Bella pulungku Sonia pe kapala

"aw! saki tau kalo kita sampe amnesia ngana mo tanggungjawab?"

mendengar apa yang dikatakan Sonia, Bela jadi ingat deng dia pe papa yang lagi amnesia

"Apa Adit bad mood gara-gara dia pe papa tiri?" Bela tanya dalang hati

"apa perlu kita bage kita pe papa pe kapala supaya dia pe ingatan bale ulang"? kata Bela dalang hati

"woy Bela ngana lagi ba pikir apa, ntar ngana kesambet"

"eh bekeng kage jo, kita cabut dulu mo ka kelas"

"okey"

Baru ba barapa langkah Bela mo ka kelas Sonia so pangge pa Bela

"woy! Bela ngana blom bayar nih baso"

teriak Sonia sambil tunjung Bela pe mangkok baso

"ngana kan traktir pa kita" Bella senyum manis

"pe mai le deng ngana"

Bela lalu pigi kase tinggal pa Sonia yang lagi mo make sandiri. Bela lalu pi pa dia pe kelas

Bela so sampe dikelas sambil ba pikir

"hey, melamun aja" Lucy bekeng kage pa Bela

"ngana pe yakis bekeng kage jo, untung kita nyanda jantungan"

"hi hi hi" Lucy ta tawa rupa wewe gombel

"ngana lagi ba pikir apa sih"

"lagi ba pikir Adit deng kita pe papa"

"hah ada apa deng Adit, t'rus ngana pe bokap kan udah lama tinggal ama Adit"

"Adit nyanda ba skeit pa kita karna kita pe papa samantara tinggal denga kita pe mama "

Bella curhat

"ha giapa bisa, kan ngana pe bokap so cere deng ngana pe nyokap"

"bisalah kita pe papa kan amnesia gara-gara ada cilaka"

"kita speeclesh nintau mo ngomong apa"

"thanks yah so denger kita pe curhat"

"yah elah biasa aja kali kita kan ngana pe tamang loh, bagini-bagini kan kita so pernah nolongin ngana dapa Adit pe alamat rumah"

Adit yang lewat di Bella pe kelas nyanda sengaja dengar hal itu. Adit lalu ba trosol pa Bela dan Lucy

"Eh Adit apa kabar" Lucy sok akrab

"Bela apa butul ngana suruh pa Lucy for dapetin kita pe alamat rumah" Adit marah melihat Bela

"....." Bela hanya ba diang kase maruku tu kapala

"kita nyanda sangka ngana bisa bekeng bagini pa kita" Adit kecewa

"ngana yang sabar yah" Lucy simpati

Lalu Adit pigi kase tinggal pa Bela deng rasa yang baku campur

(Adit sabanarnya bukang cuma marah karena alamat rumah tapi Adit marah karena dia pe papa tiri lebeh milih tinggal deng Shinta, Arthur pe mantan maitua dari pada Krisna, Arthur pe paitua yang skarang)

Selama jam pelajaran berlangsung baik Bela maupun Adit nyanda bisa konsen iko tu pelajaran yang dorang pe guru

ada kase. Padahal ntar lagi dorang so mo hadapi ujian akhir sekolah yang menentukan apa dorang bisa lanjut keperguruan tinggi ato ulang satu tahun lagi dikelas yang sama.