CAMP PAR JAENGE

Sara jab wapis aai toh main usse puchne hi wali thi ke kya baat hui undono mein tab se sir aagye aur lecture baad sara ka doctor ke paas appointment tha is liye wo sidha waha se chali gayi.

Ghar aate aate raste bhar main yahi sochtu rahi ke wo kyun aise mujhse bhag raha hai, bakiyoun se toh karta hai baat, aur na jaane Sara aur uski kya baat hui hogi,"ek minute, main kyu itna soch rahi hu uske bare mein. use nahi karni hogi mujhse baat, na kare kounsa uska ya mera kuch ja raha hai."

Agle din college jakar pata chala ke college ne 5 dino ka camp plan kiya hai. aur sab logo ko jana zaruri hai. warna hamare marks cut kar diye jaenge. maine mummy se call par pucha toh mumme ne kaha daddy se puchlo agar wo ijazat dein toh chali jana. daddy ne bhi ha kardi. hamara camp 7 dino baad tha. class ke sabhi log bahut excited the. dostoun ke sath camp par main bhi pehli baar jane wali thi. family ke sath toh bahut baar ja chuki hu. main bhi bahut excited thi. humein kisi jungle mein lekar jane wale the.