Pagbabalik tanaw sa masasaya nating kahapon (19)

Noong nagtanong si Qiao Anhao, halatang manghang mangha ito, kaya imbes

na matuwa ay lalo pang naguluhan si Lu Jinnian sa kung anong isasagot niya.

Sa sobrang saya, hindi na napansin ni Qiao Anhao na biglang nagbago ang

mood ni Lu Jinnian at wala siyang ibang ginawa kundi titigan ang singsing na

nasa daliri niya at paulit ulit na purihin ang kanyang asawa, "Lu Jinnian, wala

talaga akong masabi… kahit kailan sobrang galing mo talaga!"

Hindi naman sa naiinis si Lu Jinnian, pero hindi niya lang talaga alam kung

anong mararamdaman niya na naisip ni Qiao Anhao na hanggang imitation lang

ang kaya niyang ibigay kaya pagkatapos ng matagal niyang pananahimik,

badandang huli ay hindi niya na kinaya at dismayado siyang nagsalita, "Qiao-

An-Hao!"

At sa wakas! Naramdaman na rin ni Qiao Anhao na naiinis si Lu Jinnian kaya

dahan-dahan niyang iniangat ang kanyang ulo para silipin ang mukha nito. Nang

masigurado niyang galit nga ang itsura nito, dali-dali siyang umiwas ng tingin at

inisip kung bakit bigla nalang itong nagalit. .

Malinaw na sinabi ng gobyerno na walang nakakaalam ng kinalalagyan ng Heart

of Eternity, isa pa, sobrang mahal ng ganung klaseng diamond….kaya

komportable si Qiao Anhao na imitation lang talaga ang batong nasa singsing

niya, pero sa pagkakataong ito, hindi na siya makapagsalita dahil nakasimangot

na si Lu Jinnian…

Kaya dali-dali niyang niyakap ang braso nito at pacute na sinabi, "Sorry na, ako

yung mali. Wag ka ng magalit…"

Na agad din namang nagpakalma kay Lu Jinnian. Gusto niya na sanang sabihin

kay Qiao Anhao na hinanap niya talaga ang Heart of Eternity kaya totoo ang

diamond na nasa singsing nito, nang bigla itong ngumuso at muli nanamang

humirit, "Kahit na alam kong imitation lang ito, para sa akin, ito ang pinaka

maganda!"

Kaya sa pagkakataong ito, hindi na talaga napigilan ni Lu Jinnian ang inis niya

at hinawi ang kamay nito na nakayakap sa braso niya. Para siyang batang

nagtatampo na biglang naglakad papalayo pero wala pang limang metro, muli

siyang tumingin kay Qiao Anhao at gigil na gigil na sinabi, "Totoong bato yan!"

At muli niyang hinawakan ang kamay nito at naglakad palabas ng sports field.

Medyo malayo na ang narating nila bago maproseso ni Qiao Anhao ang sinabi ni

Lu Jinnian. "Lu Jinnian, ang ibig mo bang sabihin na ang diamond na ito ay

totoong Heart of Eternity?"

Naiinis pa rin na tumingin si Lu Jinnian kay Qiao Anhao at sumagot, "Ano sa

tingin mo?"

"Ito nga ang Heart of Eternity!" Muling tinignan ni Qiao Anhao ang kanyang daliri

at ngayon na alam niyang totoong bato ang nasa kamay niya, lalo pa siyang

namangha at masayang nagpatuloy, "Lu Jinnian, ang galing galing mo naman!

Nahanap mo ang Heart of Eternity!"

At sa pagkakataong ito, mas masaya na si Lu Jinnian sa papuri ni Qiao Anhao.

"Siguro ang laki ng nagastos mo…" Himukmok ni Qiao Anhao na parang

nagpapaawang bata.

Siguro sa dami na rin ng nasabing cheesy lines ni Lu Jinnian ngayong gabi,

naubusan na siya ng sasabihin, kaya inisip niya muna kung anong sasabihin

niya bago siya sumagot. Hindi niya napigilang pisilin ang kamay ni Qiao Anhao

at noong sasabihin niya na sanang, "Hindi na mahalaga kung magkano yan,

basta masaya ka."

Nang bigla nanaman itong magsalita, "Grabe… hindi ako makapaniwala na may

ganito ako kamahal na singsing at kung isang araw, naisipan mong idivorce ako,

pwede kong ibenta 'to at siguradong yayaman ako…Ah… Lu Jinnian… Bakit mo

pinalo ang pwet ko…"

-

Nagdinner lang ng mabilisan sina Qiao Anhao at Lu Jinnian, at umuwi na rin sila

agad ng mga bandang alas onse sa Mian Xiu Garden.

Sabay silang naligo sa magkaibang CR, at bago sila humiga sa kama,

sinamahan muna ni Lu Jinnian si Qiao Anhao na inumin ang folic acid nito.

Dahil sa proposal ni Lu Jinnian, walang mapaglagyan ang saya sa puso ni Qiao

Anhao kaya hindi siya makatulog. Maya't-maya, tinitignan niya ang Heart of

Eternity na nasa daliri niya hanggang sa nairita na si Lu Jinnian at naiinis na

sinabi, "Sige ha, isa pa, babawiin ko na talaga yan!" na sobrang nagpasindak

naman kay Qiao Anhao kaya dali dali siyang pumikit at yumakap sa braso nito.