Ang mga text message sa phone (7)

Medyo naiinis na si Lu Jinnian noong nagsalita palang si Zhao Meng pero hindi

naman siya pwedeng basta basta nalang magalit dahil hindi niya pa naman

nakikita kung paano binago ang script kaya pinilit niya pa ring magmukhang

kalmado.

Sa tuwing nagfifilm siya, kailangan niyang magkabisado ng script kaya

natutunan niyang magbasa nito ng mabilisan. Kaya niyang intindihin ang pasikot

sikot nito kahit daanan niya lang ng tingin kaya tuloy-tuloy lang siya sa paglipat

ng bawat pahina.

Habang parami ng parami ang nababasa niya, pakunot rin ng pakunot ang

kanyang noo.

Si Lu Jinnian ang tipo ng tao na mahirap basahin ang iniisip dahil kadalasan ay

walang makikitang anumang emosyon sakanyang itsura. Pero ngayong sobrang

nakakunot ang kanyang noo, lalo lang kinabahan ang lahat. Maliban kay Qiao

Anhao na kalmadong nakaupo sa tabi niya, wala na ni isa ang gustong gumawa

ng ingay o kahit manlang huminga at ang tanging ingay na maririnig noong oras

na 'yun ay ang tunog na nagagawa ni Qiao Anhao sa tuwing humihigop ito ng

juice.

Pagkalipas ng ilang sandali, padabog na isinara ni Lu Jinnian ang script na

ikinagulat ni Qiao Anhao. Dali-dali niyang iniangat ang kanyang ulo para tignan

kung anong nangyari pero bago pa siya tuluyang makalingon, bigla itong

nagsalita na para bang naghahamon, "Ngayon, sa susunod na eksena,

kailangan niyang…"

Habang nagsasalita, itinuro ni Lu Jinnian si Lin Shiyi bago niya tapikin ng

mahina ang ulo ni Qiao Anhao, na kapantay ng kanyang bewang habang

nakaupo. "Sampalin siya?"

Sobrang takot ng lahat at walang sinuman ang may sapat na lakas ng loob na

magsalita.

Malinaw na nandoon si Lu Jinnian para ipagtanggol sila ni Qiao Anhao pero

nang makita makita ni Zhao Meng kung gaano kagalit si Lu Jinnian, medyo

natakot siya. Kagaya ng lahat, gusto niya na ring matapos ang tensyon kaya

pinilit niyang maging kalmado at nagmamadaling tumungo. "Tama."

"Tama?"

Pagkatapos magtanong, biglang tumawa si Lu Jinnian at tinignan ng masama

ang bawat isang nasa loob ng make up room. Maya-maya, bigla niyang ibinato

ng malakas sa lamesa ang script na hawak niya. Gumawa ito ng isang malakas

na "Pa!" na ikinagulat ng ilan. Wala siyang balak na tumigil kaagad kaya walang

emosyon niyang sinabi, "Kung ganun pala, umpisahan niyo na dahil gusto kong

makita ng personal kung may maglalakas loob na saktan kahit ang isang hibla

ng buhok ni Qiao Anhao!"

Noong sandaling 'yun, hindi lang si Zhao Meng, kundi maging si Qiao Anhao ay

sobrang natakot sa nagbabagang galit ni Lu Jinnian. Napakagat nalang siya

sakanyang straw, at hindi niya na kayang magpatuloy sa paginom. Natatakot

siyang tignan si Lu Jinnian ng diretso sa mga mata kaya palihim niya lang itong

sinilip.

Medyo namamanhid na ang mga binti ng direktor sa sobrang takot niya kay Lu

Jinnian. Noong mga oras na 'yun, naiipit lang din siya dahil hindi niya naman

pwedeng basta-bastang balewalain si Lin Shiyi at ang investment nito. Pero

alam niya rin na ang mas kailangan niyang gawin ngayon ay ang humanap ng

paraan para pakalmahin si Lu Jinnian. Walang mangyayari kung hindi siya

maglalakas loob kaya muli siyang nagsalita na halatang nanginginig sa takot,

"Hindi… hindi... Mr. Lu, hindi naman yan ang sunod na eksenang gagawin. Ang

script…ang script na yan ay katuwaan lang para pagtripan si Miss Qiao…yung

una pa rin ang gagamitin naming…"

"Pagtripan?"

Nakakaloko naman kung biro lang ito. Sobrang pinasama na ng direktor na 'to

ang loob ni Qiao Anhao tapos sasabihin nito na trip lang?

Biglang kinuha ni Lu Jinnian ang dalawang script na nakalapag sa lamesa at

inihampas sa ulo ng direktor. "Sinong nagbigay sayo ng karapatan na pagtripan

siya?"

Napayuko nalang ang direktor at hindi na nakapagsalita pa. Sa sobrang takot

niya, maging ang kanyang mga binti ay nanginginig na rin.

"Isa pa, wag mong sasabihin sa akin na gagamitin niyo ang dating script. Gusto

kong igawa mo ako ng bago kagaya ng ginawa niyong pagbabago sa original!"