Labintatlong taon kitang minahal (10)

Pagkalabas niya ng beauty salon, napansin niya na napapalibutan ang mall ng

napakaraming advertisement patungkol sa Valentines day.

Sinilip niya ang oras at nang makita niya na may anim na oras pa siyang

natitira, napagdesisyunan niyang magpunta muna sa male section para

hanapan si Lu Jinnian ng Valentines gift.

Pagdating ng Valentines day, mayaman man o mahirap ang isang tao, pareho

lang sila ng pagcecelebrate nito- kumakain, nanunuod ng sine, nagpapalitan ng

regalo. Ang tanging pinagkaiba lang ay mas malaki ang ginagastos ng

mayayaman.

Punong puno ang buong mall ng mga kababaihan na may parehong pagiisip

kagaya ng kay Qiao Anhao; naghahanap din ang mga ito ng regalo para sa mga

taong mahal ng mga ito. Halos lahat ng customers ay babae.

Mayroong mga magisa kagay ni Qiao Anhao, pero meron din namang may mga

kasamang kasintahan. Pagkadaan niya sa isang bintana, may narinig siyang

dalawang babaeng naguusap kung anong bagy na damit para sa mga damit

nila. Pagsilip ni Qiao Anhao, nakita niya kung gaano kasaya ang mga ito kaya

napaisip siya kung ganun din ba siya kasaya tignan.

Matapos niyang magikot ikot sa iba't-ibang tindahan, nagdesisyon siya na

regaluhan nalang si Lu Jinnian ng isang necktie.

Noong magbabayad na siya, medyo mahaba at nakakainip ang pila kaya

nanuod muna siya sa TV na nakasabit sa taas ng cashier. Ang kasalukuyang

palabas ay balita na patungkol sa iba't-ibang pangyayari. Noong malapit na siya

sa counter, may bigla siyang narinig na isang pamilyar na pangalan.

"diyos ko, hindi ko inaasahan na mapapalitan na ng may ari ang Xu Enterprise

ng wala pang isang buwan."

"Paano ba nangyari?"

"Tignan mo ang balita! Nagkaroon daw ng board meeting ang Xu Enterprise, at

ang sabi may bumili raw ng 53% ng share nila, kaya ngayon 'yun na ang

pinakamalaking shareholder ng kumpanya. At pinakaunang ginawa raw ng

taong 'yun ay ang patalsikin sina Xu Wanli at Han Ruchu…"

"Sino raw siya?"

"Hindi pa pinapangalanan…Oh teka may lumabas na pala…. Ang CEO ng

Huan Ying Entertainment na si Lu Jinnian…"

"diyos ko, ang male god ko ang bumili ng Xu Enterprise!"

….

Binili ni Lu Jinnian ang Xu Enterprise?

Biglang bumilis ang tibok ng puso ni Qiao Anhao. Tinignan niya ang dalawang

babae at nakita niya na nakita niya na may hawak na phone ang mga ito kaya

dali-dali niyang kinuha ang kanyang phone para tignan ang news site. Agad na

lumabas ang pinakabagong headline: Xu Enterprise mystery buyer, the largest

shareholder exposed! 

Tinitigan ni Qiao Anhao ang headline at nagaalangan pa siya noong una na

pindutin ito. Huminga siya ng malalim at nang makaipon na ng lakas ng loob,

binuksan niya ang article para basahin ang laman nito.

'Xu Enterprise biggest shareholder is Lu Jinnian, who was awarded for six

consecutive years as the Best Screen Actor and who is also the CEO of Huan

Ying Entertainment. On the day of Xu Enterprise board meeting, using 53%

shares, he became the person with the biggest say…'

Nakatitig lang si Qiao Anhao sa screen ng kanyang phone at paulit ulit niyang

binabasa ang pangalan ni Lu Jinnian bago niya maintindihan ang sinasabi ng

article.