Bully

subha subha Vihaan ready hoker, Apne room me kuch talash kar raha hai"Mene yahi toh rakhi thi... Kaha gai... Yese toh main late ho jaunga"Vihaan bed pe dekhte huye.

Kanak Room me aati hai, Vihaan Kanak ko dekh kr "Kanak... kiya tumne meri Car ki key dekhi hai, main late ho raha hun,sab jagah dekh liya Kahi mil... "Vihaan ka itna kehna tha,Kanak ki nazar table pe rakhi Key pr jati hai,Utha kar Vihaan ko dekhate huye.

"Oh yeh rahi... thanks"Vihaan key lekar jane lagta hai, Kanak phir se awaz lagati hai.

"Vihaan ji, one minute "Kanak hath me rumal aur Wallet la kar Vihaan ko dete huye "Aap ise bhul rahe hai"

Vihaan shocking ankho se Kanak ko dekh kr chup chap wallet aur rumal le leta hai. "aur kuch toh nahi bhul raha hun na main? "Vihaan Sharmate huye Kanak se puchta hai.

"Ji... nahi.. "Kanak Smile kar ke.

"Okay... Kanak... aaj main tumhe collage... "Vihaan puri bat nhi keh pata hai.

"Ji.. pata hai... Aap mujhe Collage drop nahi kar payege, Kyun ki apko zaruri kaam hai, Koi baat nahi... "Kanak Mushkurate huye.

"hmm... Kafi samjhdar ho...Well evening me bhi main tumhe pick karne nahi aa paunga, aaj kuch important deals final karni hai." Vihaan Mayush hoker.

"Koi bat nahi, Aap ne....mere liye driver rakha hua hai, Yese Chinta karne wali koi bat nahi hai" Kanak sharmate huye.

"Hmmm.. Apna khyal rakhna...Ab main chalta hun... Bye"Vihaan keh kar villa se nikalta hai,apni Car ke pas aakar Apne man me,"Kamal hai, Main itni chize bhulane laga hun? " Car me beth kar Vihaan start karke office Chala jata hai.

Kanak Vihaan ko villa se Jate huye window se dekhti hai,aur woh bhi ready hoker apne collage Chali gai hai.

Collage me, Kanak Pihu se Haste huye bat kar rahi hai, Siya dur se Kanak ko dekh rahi hai,

"Yesa kiya hai iss ladki me, Shhah...Mujhse ache Grades bhi le aai... Aur Iss bhenaji ka Itna handsome Husband bhi hai" Siya Jealous karti hui apne sath bethi ek ladki se.

"Tum.....uske husband se kyun jal rahi ho, Han bura toh mujhe bhi lag raha hai, Uske Kapde dekhe hai, Kitne Branded lagte Hai,traditional hai par ache hai,Uski har chiz branded hai," Siya ke sath bethi ladki Kanak ko dekhte huye.

"Hmm...Yeh ladki meri ankho me chubati hai, Main ise maza chakhana chahati hun"Siya Gusse se.

"Toh... Chalo ek plan banaye.. "Siya se woh ladki.

In Evening...

Pihu Kanak se walk karte huye," Acha Vihaan ka joh Assistant hai, Kiya woh, Vihaan ke sath hi rehta hai"

"Hmm... han... Tum kyun puch rahi ho?, Kiya tumhe Abhinav Bhaiya pasand hai?"Kanak Pihu ke maje leti hai.

"Nahi... Nahi... Yesi koi bat nahi hai, Bas mujhe shukriya Kehna tha Us raat ke liye "Pihu sharma kar.

"hmm.. Main samjhti hun...Woh bahut ache inshan hai, " Kanak smile kar ke.

"Kanak... Please... "Pihu Sharma kar, Kanak Hasne lagti hai.

Pihu kanak se "Oh.. Yaad aaya.. Mujhe jana hai maine mom se wada kiya tha, jaldi aakar Unki help karungi"

"Oh Okay Pihu tum Nikalo, Mujhe abhi Library jana hai, Kuch Books dekhni hai, aur issue bhi karwani hai"Kanak

"Ohk... Kanak... toh phir milate hai bye... "Pihu Kanak se Vida le kar chali jati hai.

Kanak Library aati hai, Kuch books nikal kar table pe rakh kr padhne lagti hai, Apna mobile usne apne Purse me rakha hua hai, Purse ko wahi chod kar Kanak washroom chali jati hai, Siya Aur uske sath ladki Kanak ka picha karte huye washroom pahuch jate hai.

Kanak Washroom me Face wash kar rahi hai, Achanak us pr zor se Pani Girta hai, Kanak Puri bhig gai, kanak Murd kar dekhti hai, Samne Siya aur woh ladki Bucket me pani liye washroom ke door pr khadi hai.

"Siya.. Tum... "Kanak shocked hoker.

"Han.. main... "Siya kehte huye phir se pani daal deti hai,

Kanak saans rokte huye khasane lagti hai, "Cough.. Cough... Siya... Yeh kiya kar rahi ho... "

"Tumhe maja chakha rahi hun...Tumhare mere se ache grades kese aa gaye, jabki tumne classess bhi late shuru ki thi, Tum Itni bakwas hote huye bhi, Tumhara husband tumhe pasand karta hai, Aur....yeh Meri beijzati ke liye... "Siya Kanak par dubra pani dalte huye.

"Siya.. Mujhe jaane do please " Kanak Bhag kar jane ki kosish krti hai, Siya Kanak ka hath zor se pakad kar dhakka de deti hai, Kanak Zameen pr gir jati hai aur uske hath me pehni hui watch Nikal kr Siya ke per ke pas gir jati hai.

"Kaha jaa rahi ho, Abhi toh game shuru hua hai.."Siya sath wali. ladki ko ishara karte huye.

Siya ke sath wali ladki Ek Box Siya ko deti hai, Siya Us box ko Kanak ke upar dalne lagti hai,Us box me se Cockroches Kanak ke upar girne lagte hai. Kanak ki dar se saanse ruk jati hai, Woh khud ko uth kar Jhadne lagti hai aur chillane lagti hai.

"Aaahnnn... Cockroches.... "Kanak Rohti hui Washroom ke gate se jese bhagne lagti hai, Siya aur woh ladki Kanak ko andar dhakka de kar Door bahar se band kr deti hai.Aur Out of work ka board laga kar Kanak ko wahan bandh kar deti hai.

Kanak phir uth kar Door k pas aati hai,"Please kholo... Kholo please... Siya....Siya... Door ko kholo....Open the door... Siya... "Zor zor se door pr hath mar kr khat-khatati hai aur rohti hai.Siya wahan se hasti hui chali jati hai,

Achanak se Washroom ki lights bandh ho jati hai,Kanak ko aur dar lag raha hai. Kanak Andhere se ghabrane lagti hai, Uske Face pr Paseene aane lagte hai.

"Darwaza kholo.... "Kanak Door pr phir se hath marte huye dhimi awaz me.

Kanak ke hath per thande hone lagte hai,Kanak ko Saas lene me problem hone lagti hai, Uska Achanak se gala sukhne lagta hai, Ankho ke samne Kala andhera Chahne lagta hai aur Ankhe bandh hone lagti hai.

"V... Vihaan.. Ji... "Kanak Vihaan ka naam lete hi zameen pr gir jati hai.