Kayo muna, sa susunod ako naman sana

Noong namatay siya, nakita ko rin kung paano namatay ang saya sa mga mata mo

Kahit na narito sa gilid, laging suporta sainyong dalawa

Kahit na alam kong tayong dalawa ay walang pag-asa

Lagi't lagi kong iintindihin, siya ang pinakaimportante sayo

Kung hadlang ang tadhana sainyong dalawa

Ako ang titindig, susubukin na kalabanin ang tadhana makita ka lang na sumaya

Para sainyong dalawa na nagmahal lang naman, ngunit sa maling panahon

Sa ibang mundo sana kayo ay masayang magkasama sa mahabang mga taon

Kasama ang kasiyahan mo sa mga panalangin ko

Kasama ang mahabang buhay niya sa panalangin ko

Sa mga dalangin umaasa na maging masaya kayong dalawa

Kahit na habang buhay nalang kita mamahalin.

Kahit na hinding hindi masusuklian ang damdamin.

Tanggap ko sinta ko, na siya lang lagi ang magiging bukambibig mo.

Sa pag-ibig na alam ko ang dulo, ako ay hinding hindi susuko sayo.

Para bang hindi ko na kayang humanap ng katulad mo.

Sa bawat nakikilala ko, hinahanap ko ang tamis ng iyong mga ngiti.

Ito na ata ang nakatadhana sa buhay ko.

Mahalin ka nang buo kahit na ako ay hindi mo pinili.