Ang Desisyon ni Xu Jiamu (17)

Pagkaputol ng linya, nagpahangin muna si Lu Jinnian sa balcony hawak ang

kanyang phone bago siya bumalik sa kwarto nila. Dahan-dahan niyang inihiga si

Qiao Anhao sakanyang braso, na komportableng yumakap sakanya.

-

Kagabi, nailabas na ni Qiao Anhao ang lahat ng sama ng loob na naipon sa

dibdib niya noong umiyak siya sa harapan ni Lu Jinnian, kaya paggising niya

kinaumagahan, di hamak na mas magaan na ang pakiramdam niya.

Totoong hindi madali ang buhay, pero hindi ibig sabihin nito ay hindi na kaya.

Darating at darating talaga sa puntong susubukan ng tadhana ang katatagan ng

isang tao at minsan pa nga ay darating sa punto na mukhang wala na talagang

pagasa. Pero sa oras na matutunan mong palipasin at pakawalan ang mga

bagay na wala na sa kontrol ng tao, maiintidihan mong pansamantala lang ang

lahat ng nangyayari sa mundong ibabaw.

Sapat na kay Qiao Anhao na alam niyang wala siyang ginawang mali kaya kung

hindi talaga siya bigyan ng pagkakataon ng tadhana na madependsahan ang

sarili niya, hindi na siya magrereklamo at masaya siyang tatayong halimbawa ng

mga hindi dapat tularan.

Hindi naman sa wala na siyang pakielam, pero kahit ano kasing gawin

niya…kahit mamatay pa siya kakaisip…hindi niya na mababago ang realidad.

Galit na galit sakanya ang buong mundo ngayon, kaya ano pang matitira

sakanya kung siya ay magagalit sa sarili niya? Isa pa, ano naman kung masira

ang reputasyon niya? Mayroon pa rin naman siyang Lu Jinnian na mahal na

mahal niya at mahal na mahal siya.

Okay na sakanya ang lahat, hindi na siya malungkot.

Dahil masyado ng malaki ang scandal, inuwi nalang muna ni Lu Jinnian ang mga

dapat niyang tapusin sa trabaho para masamahan si Qiao Anhao ng bente-

kwatro oras.

Inisip ni Qiao Anhao na baka madisqualify na rin siya sa Hollywood casting

competition na sinalihan niya nitong kamakailan lang, pero laking gulat niya na

dalawang araw na ang nakakalipas pero wala pa ring tumatawag sakanya mula

sa show.

Pagkatapos ng mga nangyari, hindi na siya umaasa na siya ang mananalo dahil

kahit makalusot man siya ngayon, malaki ang posibilidad na wala ring boboto

sakanya pero naisip niya na wala namang mawawala kung maghahanda siya

kaya nagpractice pa rin siya kasama ni Lu Jinnian na naging sobrang supportive

sakanya.

Sa parating second round, naisip niyang umarte bilang si "Empress Wu Zetian".

Nagresearch siya ng mga sikat nitong kasabihan at sa loob ng limang minuto

tuloy-tuloysiyang aarte bilang batang Empress Wu Zetian.

Bilang isang artista, sobrang challenging nito dahil bibihira lang ang mga taong

may ganitong klaseng talento.

Kaya tatlong araw na walang tigil na nagpractice si Qiao Anhao para magawa

niya ito ng tama.

Noong mismong araw ng kumpitesyon, gabi pa ang schedule ng show pero

maaga niyang ginising si Lu Jinnian para magpatulong magpractice ng mga

sasabihin niya.

Tatlong araw ng paulit-ulit na nagpapractice si Qiao Anhao ng mga linya ni

Epress Wu Zetian kaya naririndi na si Lu Jinnian. Noong oras na ginising siya

nito, gusto niya nalang sanang yakapin ito ng mahigpit at matulog ulit, pero

nakita niya kung gaano ito kadeterminado at bilang number one fan ni Qiao

Anhao, gusto niyang suportahan kung saan ito masaya, kaya sa pang isang

daan at tatlumput apat nitong take, muli siyang nagpanggap na audience.

Sa tatlong araw na walang tigil na pagkakabisado, sa wakas nakuha na rin ni

Qiao Anhao ang pagkatao at emosyon ni Empress Wu Zetian, mula sa pagiging

mahinhin hanggang sa pagiging matapang nito, na gusto niyang iparamdam sa

mga manunuod.

Lalong lalo na noong binigkas niya ang mga sinabi ni Empress Wu Zetian bago

ito mamatay, "Sa susunod kong buhay, hindi na ako magiging emperatris at

magiging isang simpleng manugang nalang ako ng Lee family". Nabigyan niya

ng diin ang mahahalagang salita at galaw kaya sa huli niyang practice, para na

talaga siyang tunay na Emperatris ng China.