Ang Mga Bagay na Hindi Niya Nalaman (20)

Pagkatapos niyang magsalita, Si Qiao Anhao ay itinaas ang kanyang mga mata at tumingin kay Han Ruchu

Ang ekpresyon ni Han Ruchu ay malinaw na umigting, na tila naintindihan niya ang kahulugan ng mga salitang iyon. Ang paghawak niya sa kanyang kutsara ay humigpit.

Si Qiao Anhao ay hindi pinansin ang kakaibang kinilos ni Han Ruchu at nagkunwaring nalilito. Siya ay patuloy na kumilos ng nakakatuwa sa pamamagitan ng pagsabi, "Iyon ay kakaiba, sa tuwing kumakain ako ng swallow's nest ni Tiya Xu, agad akong inaantok. Ngunit sa pagkakataong ito, paanong ako'y gising pa pagkatapos kainin ito?"

Si Qiao Anxia, ​​na lubos na hindi mapakali sa kung ano ang nasa likod ng sitwasyon tungkol sa swallow's nest, wala siyang nagawa kundi iangat ang kanyang kamay at hinampas sa ulo si Qiao Anhao. "Qiao Qiao, ano ba ang sinasabi mo? Ang swallow's nest ay para lamang mapawi ang iyong katawan at isip. Hindi ito tulad ng mga tabletas na pampatulog!"

Sumimangot si Qiao Anhao, masama ang loob, inangat ang kanyang ulo at kinamot ito, "Sis, sinabi ko na sa'yo ng ilang beses na itigil mo na ang pagbatok sa ulo ko…"

Dahil doon, lumingon si Qiao Anhao at tumingin kay Xa Jiamu, nakakaawa at nagreklamo, "Kuya Jiamu, Si Anxia hinampas nanaman ako…"

"Halika rito, haplusin natin." Inabot ni Xu Jiamu ang kanyang kamay na may masamang balak na ekspresyon sa kanyang mukha, at pagktapos ay hinaplos-haplos ang parte na kung saan hinampas ni Qiao Anxia si Qiao Anhao.

Lumingon si Qiao Anhao na nakangiti sa kanyang kapatid na babae. Siya ay tumingin na parang inosente at sinabi, "Ako ay hindi nagsisinungaling. Ang swallow's nest ni Tiya Xu ay mas mahusay pa kaysa sa mga tabletas ng pampatulog!"

Nang sinabi ito ni Qiao Anhao, isang malutong na tunog ng porselanang pinggan ang nabasag sa sahig ang narinig sa buong bahay.

Sina Qiao Anhao, Xu Jiamu, at Qiao Anxia na nagkukulitan, Nakuha ang kanilang atensyon at lumingon sa pinanggalingan ng ingay.

Ang mangkok na nasa mga kamay ni Han Ruchu ay aksidenteng nahulog sa sahig, at kumalat ang swallow's nest sa kanyang palda.

"Madame, bakit hindi kayo nag-iingat?" sinabi ng tagapangasiwa na dali-daling kumuha ng tisyu upang tulungan si Han Ruch na punasan ito.

Ang hitsura ni Han Ruchu ay hindi maganda. Siya'y mukhang nainis. Itinulak niya ang kamay ng katulong palayo, tumayo, at sinabi ng may buong tinig, "Pupunta muna ako sa itaas para magpalit ng damit. Maghintay ka dito sandali."

-

Nang makapagpalit na ng damit si Han Ruchu at makababa na, Sina Xu Wanli at ang tatay ni Qiao ay umalis na para pumunta sa silid-aralan upang maglaro ng chess. Ang iba nama'y nakaupo sa bilog na sofa sa may salas.

Mayroong mainit na tsaa sa may marmol na talahanayan na makikitang naglalabas ng mainit na singaw. 

Si Qiao Anxia ay nasa telepono kausap si Chen Yang. Maya't-maya'y siya ay tatawa at paminsan-minsan ay magrereklamo ito sa kanya, "Nakakainis ka"

Sila Qiao Anhao at Xu Jiamu ay nanonood ng isang lumang pelikula sa telebisyon. Si Han Ruchu ay isang beses sumulyap at nakita ang isang babaeng nakapula. Ang kanyang mukha ay marikit at ang kanyang pagkatao ay kapansin-pansin sa maraming tao. Si Han Ruchu ay bihirang magbigay ng atensyon sa mga bagay sa industriya ng libangan. Ngunit alam niya na sa mga nakalipas na ilang taon, ang tanyag na reyna ng mga pelikula ay isang artista na nagngangalang Song Xiangsi.

Si Han Ruchu ay umupo sa tabi ng nanay ni Qiao, na hindi talaga interesado sa pelikula, kaya nagsimula silang mag-tsismisan tungkol sa mga narinig nila kamakailan sa Mahjong.

Nang dumating si Han Ruchu sa ibaba, siya'y napansin na ni Qiao Anhao ngunit nagkunwaring nanonood sa telebisyon. Hinintay niyang matapos ang tsismisan nina Han Ruchu at ng kanyang ina at biglang sinabi, "ang kahusayan sa pag-arte ni Lu Jinnian ay talagang napakagaling."

Ang lahat ng mga naroroon alam na si Lu Jinnian ay anak sa labas ng pamilya Xu, na tuluyang kinuha ang Xu Enterprise. Ang sinabi ni Qiao Anhao ay nagpabago sa atmospera at kapaligiran ng buong silid.