Mother!

Chapter 1123: Mommy!

Kinagabihan, dumating si Yan Ruyi dala ang maraming bagahe. Dinala niya lahat ng iyon para kay Little Treasure.

Pagkapasok niya, nakita niya si Lu Chongshan na nawawala buong araw. Nakasunod siya kay Little Treasure habang dala ang mga panulat at pinupuri ang kanyang drawing… 

Sumigaw sa inis si Yan Ruyi, "Lu Chongshan! Sinungaling ka! Sabi mo maglalaro ka ng golf kasama ang mga kaibigan mo pero nandito ka lang pala!"

Napaubo si Lu Chongshan nang makita ang kanyang asawa, "Bawal ba akong bumisita? Kailangan ko bang sabihin sa iyo na bibisita ako sa apo ko?"

"Kung bibisitahin mo lang ang apo mo, bakit kailangan mong itago sa akin?" Nalaman ni yan Ruyi ang totoo niyang intensyon.

Nanahimik lang si Lu Chongshan.

Tinuro siya ni Yan Ruyi, galit at nagseselos ito. "Nanatili ka dito buong araw kasama siya. Tinawag ka na ba ni Little Treasure na 'Lolo'?"