He Has Autism!

Chapter 851: May Autism Siya!

Mas umayos ang pakiramdam ni Ning Xi pagkatapos niyang ipahiya si Guan Zhichen.

Ang kilalalang genius na si Guan Zhichen ay hindi nakuntento kaya binigyan niya pa ng mas mahihirap na mga tanong si Little Treasure. Subalit sa huli, lahat ng ito ay nasagot ni Little Treasure.

Ang mga taong nakapalibot kay Guan Zichen ay nagkumpulan kay Little Treasure. Sinusubukan pa ng iba na hawakan siya para makakuha ng "smart aura" mula sa bata. Walang nasabi si Ning Xi.

Buti na lang, pasensyoso si Little Treasure ngayon. Kalmado lang siya kahit maingay at magulo ang mga tao sa paligid niya. Sobrang cute niya lang tignan sa mata ng iba.

Ang mga mata ng bata ay nakatuon lang sa kanyang nanay habang magkahawak sila ng kamay. Hindi na importante kung magulo ang paligid.

"Hindi ko inasahan na ganito katalino si Little Treasure!"

"Sabi nila charming daw ang mga batang lalaki na magaling sa math, pero siya astig din!"