7

راح روح اياد و دا قلبي معاه

كنت نستنا غير وقتاه يعيط

ز كي عيطلي تفكرت الليلة لي بدات منها عذي الحكاية كامل

بدا يحكيلي على لي صرا فيه

كان يهدر و يبكي و انا كيف العادة منحكمش روحي على  البكا

شفت قداه كنت ظالماتو

حسيت بيه و بتعبو لي دارو باه يلقاني

راني فخورة  باه نكون زوجة شخص صان حبي ليه و حتى انو معترفتلوش لسنين و سنين

شخص مبدلش لي في قلبو مع انو كان محاوط بالأوربيات في كل بلاصة في السويد

هذي المرة جا وقت الوداع اما لفترة قصيرة قرر انو يستثمر بشركتو هنا في البلاد حتى عمو حسام قرر يرجع معاه

كانت مدة غيابو هذي المرة ثلاث اشعر اما انا حسيتهم ثلاث سنين

كنت نفوت وقتي 24 ساعة على التلفون معاه

اخيرا جاةاليوم لي نتلاقاه في المطار

بقيت نستنا و نستنا حتى شفتو جاي بوهرتو لي تخطف قلبي كل مرة نشوفو

رحت نجري عندو اخيرا رجع مش مصدقة انو هذي المرة مغابش

مش مصدقة انو هذي المرة راه رجع

و مإختفاش

بعد رجوعةا بسمانة بدينا تحضيرات العرس

كنت كل يوم نتعلق بيه اكثر

كان اياد كل يوم يقلي انو زاد حبو ليا على اليوم لي فات

و اخيرا جا الي م المنشود

صحيح شفت دمعتو كي سمع الزغاريد و مشافش امو بيناتنا

لانو عرفتو تفكر يوم ودعناهم في المطار و قاتلي متمنية نزغرت لإياد في عرسوا قبل ما تغمض عيني

انا حاولت نعوضو على غيابها

حاولت انو نعيشو الحياة لي كان يحلم بيها

و كانت مولودتنا الأولى على اسم امو رضوة

هنا نكونوا وصلنا نهاية قصتنا اليوم

حبيت نقلكم حاجة

عندي هدف واحد منها انو مش لازم تصرح للطرف الآخر بلي تحبوا باه يبانو مشاعركم ابدا

الخب الحقيقي انك تكون الطرف الآخر

الحب الحقيقي انو تحفظ كرامة الآهر

مش تجرح انسان يحبك او تجرجروا

قي قصتنا اليوم إياد حارب العالم

و خارب كل الظروف على خاطر شي واحد :

على خاطر إبتسامة مرح.....

نتمنى تكون عجبتكم الكرونيك

و كيف العادة ربي يفرقنا يلا ذنوب يا من عاش

Peace